ആശുപത്രിയിൽ കുഴഞ്ഞുവീണ് ബഹ്​റൈനില്‍ പ്രവാസി മലയാളിക്ക് ദാരുണാന്ത്യം. കൊല്ലം ഓച്ചിറ സ്വദേശി ചന്ദ്രന്‍പിള്ള ബാലകൃഷ്​ണപിള്ള (58)യാണ്​ മരിച്ചത്​. ബഹറിനില്‍ കെട്ടിട നിര്‍മ്മാണ ജോലിക്കിടെ കെട്ടിടത്തിന്റെ ഒന്നാം നിലയില്‍ നിന്ന്​ വീണ് പരിക്കേല്‍ക്കുകയായിരുന്നു. തുടര്‍ന്ന് ഇദ്ദേഹത്തെ ആശുപത്രിയില്‍ എത്തിക്കുകയായിരുന്നു. പുറമെ പരിക്കുകളില്ലാതിരുന്ന ഇദ്ദേഹം ആശുപത്രിയില്‍ എത്തിയശേഷം പരസഹായമില്ലാതെയാണ്​ ഡോക്​ടറെ കണ്ടതും എക്​സ്​റെ എടുക്കാന്‍ പോയതും.

കുറച്ച്‌​ സമയം കഴിഞ്ഞപ്പോള്‍ ആശുപത്രിയില്‍ കുഴഞ്ഞുവീണ്​ മരിക്കുകയായിരുന്നു. വാരിയെല്ലിനുണ്ടായ പൊട്ടലും ശ്വാസകോശത്തിനുണ്ടായ പരിക്കും കാരണം കുറച്ച്‌​ സമയം കഴിഞ്ഞപ്പോള്‍ ആശുപത്രിയില്‍ കുഴഞ്ഞുവീണ്​ മരിക്കുകയായിരുന്നു. ആന്തരികമായ ഗുരുതരപരിക്കാണ്​ മരണകാരണമെന്ന്​ ഡോക്​ടര്‍മാര്‍ സ്ഥിരീകരിക്കുകയും ചെയ്​തു. മൃതദേഹം ​സല്‍മാനിയ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.