ദുബായ്, അബുദാബി വിമാനത്താവളങ്ങള് വഴി യാത്ര ചെയ്യുന്നവർ ഈ വാർത്ത കാണാതെ പോകരുത്
ദുബായ്, അബുദാബി വിമാനത്താവളങ്ങള് വഴി യാത്ര ചെയ്യുന്നവർ ഇനി വരുന്ന ദിവസങ്ങളിൽ പാലിക്കേണ്ട മുൻ കരുതലുകളാണ് വിമാനക്കമ്പനികൾ യാത്രക്കാരെ അറിയിക്കുന്നത്.
വേനലവധി തുടങ്ങിയതോടെ അസാധാരണമായ തിരക്ക് ആണ് ദുബായ്, അബുദാബി അന്താരാഷ്ട്ര വിമാനത്താവളങ്ങളിൽ അനുഭവപ്പെടുന്നത് .യുഎഇയില് സ്കൂളുകളുടെ അവധിയും മറ്റ് പൊതു അവധികളും അടുത്തുവരുന്നതോടെ യാത്രക്കാരുടെ എണ്ണത്തില് വലിയ വര്ദ്ധനവുണ്ടായാണ് ഇതിനു കാരണം .
കൂടാതെ പലരും കുട്ടികളുടെ തുടർ വിദ്യാഭ്യാസം നാട്ടിൽ ആക്കാൻ തീരുമാനിച്ചതിന്റെ ഭാഗമായി കുടുംബവും ലഗേജുകളുടെ നാട്ടിലേക്ക് പോരാൻ തയ്യാറെടുക്കുന്ന സമയമാണിത്. ഇന്നലെ മുതല് നല്ല തിരക്ക് അനുഭവപ്പെട്ടു തുടങ്ങിയിട്ടുണ്ട്.
മാര്ച്ച് 31 മുതലാണ് യുഎഇയിലെ സ്കൂളുകള്ക്ക് അവധി പ്രഖ്യാപിച്ചിരിക്കുന്നത്. ഔദ്യോഗിക പ്രഖ്യാപനങ്ങളൊന്നും ഉണ്ടായിട്ടില്ലെങ്കിലും ഏപ്രില് മൂന്നിന് യുഎഇയില് ഇസ്റാഅ് മിഅ്റാജ് അവധി പ്രഖ്യാപിക്കുമെന്ന് പ്രതീക്ഷിക്കപ്പെടുന്നുണ്ട്.
അബുദാബി എയര്പേര്ട്ടില് വ്യാഴാഴ്ച മുതലുള്ള ദിവസങ്ങളില് വലിയ തിരക്കനുഭവപ്പെടുകയാണെന്ന് ഇത്തിഹാദ് എയര്വേയ്സും അറിയിച്ചു. 29നാണ് എമിറേറ്റ്സ് വിമാനങ്ങളില് ഏറ്റവുമധികം തിരക്കുള്ളത്. ഏപ്രില് രണ്ട് വരെ തിരക്ക് തുടരും. ഇക്കാലയളവില് എമിറേറ്റ്സിന് മാത്രം 1.6 ലക്ഷം യാത്രക്കാരുണ്ടെന്ന് കമ്പനി അറിയിച്ചു.
യാത്രക്കാരുടെ തിരക്ക് മൂലമുള്ള അസൗകര്യങ്ങള് ഒഴിവാക്കാന് വിമാനം പുറപ്പെടുന്ന സമയത്തിന് മൂന്ന് മണിക്കൂര് മുന്പെങ്കിലും വിമാനത്താവളത്തിലെത്തണം. നേരത്തെ ചെക് ഇന് ചെയ്യാനുള്ള മറ്റ് സൗകര്യങ്ങളും പ്രയോജനപ്പെടുത്താം.
ഇതിനു പുറമെയാണ് വിമാനത്താവളത്തിലേക്കുള്ള റോഡുകളില് നടക്കുന്ന അറ്റകുറ്റപ്പണികള്. കൃത്യസമയത്തു ഏത്തം എന്ന ധാരണയിൽ വരുന്നവർക്ക് ഇതും തിരിച്ചടിയാകാൻ ഇടയുണ്ട്.
അതുകൊണ്ട് വരും ദിവസങ്ങളിൽ യാത്ര ചെയ്യുന്നവർ കഴിവതും നേരത്തെ തന്നെ വിമാനത്താവളത്തിലെത്തണം എന്ന് വിവിധ വിമാന കമ്പനികൾ അറിയിക്കുന്നു.
https://www.facebook.com/Malayalivartha