കുവൈറ്റില് മെയ് മാസം മുതല് ഡ്രൈവിംഗ് ലൈസന്സ് നടപടിക്രമങ്ങള് ഓണ്ലൈനിൽ മാത്രം
കുവൈറ്റിലെ ഡ്രൈവിംഗ് ലൈസന്സ് നടപടിക്രമങ്ങള് മെയ് മാസം മുതല് ഓണ്ലൈന് സംവിധാനത്തിലേക്ക് മാറുന്നു. ആഭ്യന്തര മന്ത്രാലയത്തെ ഉദ്ധരിച്ചു പ്രാദേശിക പത്രം റിപ്പോര്ട്ട് ചെയ്തതാണിത് .. സ്വദേശികളുടെ ലൈസന്സുകൾ മാത്രമാണ് ആദ്യ ഘട്ടത്തില് ഓണ്ലൈന് സംവിധാനത്തിലേക്ക് മാറുന്നത്. ഇത് മെയ് മാസം മുതല് ആയിരിക്കും
വിദേശികളുടെ ഡ്രൈവിംഗ് ലൈസന്സ് സംബന്ധിച്ച നടപടിക്രമങ്ങള് ഈ വര്ഷം അവസാനത്തോട് കൂടി മാത്രമേ ഓൺലൈൻ സംവിധാനത്തിലേക്ക് മാറുകയുള്ളൂ എന്നും റിപ്പോര്ട്ടില് പറയുന്നു.
പ്രത്യേക സ്ഥലങ്ങളില് ഓട്ടോമാറ്റിക് മെഷീനുകള് സ്ഥാപിച്ച് പുതിയതോ പുതുക്കിയതോ ആയ ലൈസന്സുകള് സ്വീകരിക്കാവുന്ന സംവിധാനമാണ് നിലവില് വരിക. നിലവിൽ സിവില് ഐഡി കാര്ഡുകള് ഇങ്ങനെയാണ് സ്വീകരിക്കുന്നത് .
എന്നാല് ഓണ്ലൈന് സംവിധാനത്തില് അപേക്ഷിക്കുന്ന പ്രവാസികളില് പിഴ കുടിശിക ഉള്ളവര്, തൊഴില് തസ്തികകള് മാറിയവര്, വിസ ക്യാന്സല് ചെയ്തു പോയവര്, ഹൗസ് വൈഫ് ആയിരിക്കെ ലൈസന്സ് ലഭിക്കുകയും എന്നാല് പിന്നീട് ജോലി വിസയിലേക്ക് മാറുകയും ചെയ്തവര്, സ്റ്റുഡന്റ് വിസയില് ലൈസന്സ് ലഭിക്കുകയും പഠനം അവസാനിപ്പിച്ചു പോകുകയും ചെയ്തവര് എന്നിവരുടെ ലൈസന്സ് ഓണ്ലൈന് സംവിധാനത്തില് പുതുക്കാന് സാധിക്കുകയില്ലായെന്നും വാര്ത്തയില് പറയുന്നുണ്ട്. ഇവര് തടസം ഒഴിവാക്കാന് മന്ത്രാലയത്തെ നേരിട്ട് സമീപിക്കേണ്ടതായി വരും.
https://www.facebook.com/Malayalivartha
