പ്രവാസികൾക്ക് ആശ്വാസവുമായി യു.എ.ഇ. യു.എ.ഇ.യില്‍ എത്തുന്ന എല്ലാ സന്ദര്‍ശകര്‍ക്കും സൗജന്യ സിം കാര്‍ഡ് നല്‍കാന്‍ തീരുമാനമായി. ഫെഡറല്‍ അഥോറിറ്റി ഫോര്‍ ഐഡന്റിറ്റി ആന്‍ഡ് സിറ്റിസണ്‍ഷിപ്പ് ആണ് അബുദാബിയില്‍ ഈ വിവരം അറിയിച്ചത്. വിവിധ ഓഫറുകളടങ്ങിയ സിം കാര്‍ഡുകളാവും സൗജന്യമായി നല്‍കുന്നതെന്നും അധികൃതര്‍ അറയിച്ചു.

എയര്‍പോര്‍ട്ടില്‍ വന്നിറങ്ങുന്ന സഞ്ചാരികള്‍ക്ക് യു.എ.ഇ നല്‍കുന്ന സമ്മാനമാണ് സിം കാര്‍ഡ് . സിം കാര്‍ഡിലെ ഓഫര്‍ അവസാനിച്ചു കഴിഞ്ഞാല്‍ രാജ്യത്തെവിടെ നിന്നും റീ ചാര്‍ജ്ജ് ചെയ്യാൻ സാധിക്കും. വിസ പുതുക്കുന്നതിനനുസരിച്ച്‌ സിം കാര്‍ഡ് വാലിഡിറ്റിയും വര്‍ധിക്കും. യു.എ.ഇ യിലെ പ്രമുഖ മൊബൈല്‍ നെറ്റ് വര്‍ക്ക് ശൃംഖലകളായ എത്തിസലാത്ത്, ഡു എന്നിവരുടെ സഹകരണത്തോടെയാണ് പദ്ധതി നടപ്പാക്കുന്നത്. നിലവില്‍ ദുബായ് അന്താരാഷ്ട്ര വിമാനത്താവളത്തിലുള്ള സൗകര്യമാണ് രാജ്യമെങ്ങും വ്യാപിപ്പിക്കുന്നത്.

യു.എ.ഇ.യിലെ ടെലികോംസേവനദാതാക്കളായ ഇത്തിസലാത്ത്, ഡു എന്നിവയുമായി സഹകരിച്ചാണ് വിതരണം. അബുദാബിയില്‍ ഫെഡറല്‍ അഥോറിറ്റി ഫോര്‍ ഐഡന്റിറ്റി ആന്‍ഡ് സിറ്റിസണ്‍ഷിപ്പ് മേധാവികളാണ് ഇക്കാര്യം പ്രഖ്യാപിച്ചത്. ദുബായ് താമസ-കുടിയേറ്റ വകുപ്പ് ഏതാനും ദിവസം മുമ്പാണ് ഡു കമ്പനിയുമായി സഹകരിച്ച്‌ സൗകര്യം നടപ്പാക്കിത്തുടങ്ങിയത്.

20 എം.ബി. ഡേറ്റ, മൂന്നു മിനിറ്റ് സംസാരസമയം, അഞ്ച് സൗജന്യ എസ്.എം.എസ്. എന്നിവയടങ്ങുന്ന സിംകാര്‍ഡ് വിമാനത്താവളങ്ങളിലെ പാസ്‌പോര്‍ട്ട് കണ്‍ട്രോള്‍ കൗണ്ടറില്‍നിന്നായിരിക്കും ലഭിക്കുന്നത്. രാജ്യത്ത് എവിടെവെച്ചും ഈ സിംകാര്‍ഡ് ഉടമയ്ക്ക് റീച്ചാര്‍ജ് ചെയ്യാം. സന്ദര്‍ശകന്‍ രാജ്യംവിടുന്നതുവരെയോ വിസയുടെ കാലാവധി കഴിയുന്നതുവരെയോ ആയിരിക്കും സിംകാര്‍ഡിന്റെ പ്രവര്‍ത്തനം.

ലോകത്താദ്യമായി സന്ദര്‍ശകര്‍ക്ക് സൗജന്യമായി സിംകാര്‍ഡ് നല്‍കിയത് ദുബായ് വിമാനത്താവളത്തിലായിരുന്നു. ഹാപ്പിനെസ്' എന്ന പേരിലാണ് പദ്ധതി അവതരിപ്പിച്ചിരിക്കുന്നത്. ദുബായിലെത്തുന്ന 18 വയസിന് മുകളിലുള്ള എല്ലാ ടൂറിസ്റ്റുകൾക്കും എമിഗ്രേഷൻ കൗണ്ടറിൽവെച്ചുതന്നെ സിം കാർഡുകൾ ലഭിക്കും. യാത്രാ രേഖകളുടേയും വിസ, പാസ്പോർട്ട് എന്നിവയുടെ അടിസ്ഥാനത്തിലായിരിക്കും സിം കാർഡുകൾ നൽകുക. സിം കാർഡിൽ മൂന്ന് മിനിറ്റ് സംസാര സമയവും 20 മിനിറ്റ് സൗജന്യ ഡേറ്റയും ലഭിക്കും. 30 ദിവസത്തെ വാലിഡിറ്റിയായിരിക്കും സിം കാർഡിന് ഉണ്ടായിരിക്കുക.

ദുബായ് അന്താരാഷ്ട്ര വിമാനത്താവളത്തിലെ 1,2,3 ടെർമിനലുകളിലെത്തുന്ന യാത്രക്കാർക്കാണ് സൗജന്യ സിം കാർഡുകൾ ലഭിക്കുക. സൗജന്യ സിം കാർഡുകൾ പെർമെനന്റ് സിമ്മുകളായി കൺവേർട്ട് ചെയ്യാൻ കഴിയുകയില്ല. ദുബായിലെ ടെലി കമ്മ്യുണിക്കേഷൻ നിയമം അനുസരിച്ച് സൗജന്യ സിം കാർഡുകൾ 30 ദിവസത്തിനു ശേഷം പ്രവർത്തന രഹിതമാകുമെന്ന് അധികൃതർ വ്യക്തമാക്കി.

ആ സമ്പ്രദായം രാജ്യത്തെ എല്ലാ വിമാനത്താവളത്തിലേക്കും വ്യാപിപ്പിക്കാന്‍ ഒരുങ്ങുകയാണ് യു.എ.ഇ.യുടെ താമസ- കുടിയേറ്റ വകുപ്പ്. യു.എ.ഇ.യില്‍ എത്തുന്ന സഞ്ചാരികള്‍ക്ക് പെട്ടെന്നുതന്നെ രാജ്യത്തുള്ള പരിചയക്കാരുമായി ബന്ധപ്പെടാനും നാട്ടിലേക്കു വിളിക്കാനുമുള്ള സൗകര്യമാണ് ലക്ഷ്യമിടുന്നത്. യു.എ.ഇ.യെ ലോകത്തെ മികച്ച സഞ്ചാരിസൗഹൃദരാജ്യമാക്കി മാറ്റാനുള്ള ശ്രമത്തിന്റെ ഭാഗമായാണ് ഈ നടപടി.

ഇന്ത്യയുടെ പാസ്പോര്‍ട്ടുള്ള എന്‍ആര്‍ഐ ആളുകള്‍ക്ക് ആധാര്‍ നടപ്പിലാക്കുമെന്ന് കേന്ദ്രമന്ത്രി നിര്‍മ്മലാ സീതാരാമന്‍ കഴിഞ്ഞ ദിവസം ബജറ്റവതരണത്തില്‍ പ്രഖ്യാപിചിരുന്നു. സ്ത്രീക്ഷേമത്തിനായി സ്വയം സഹായ സംഘങ്ങള്‍ കൂടുതല്‍ വ്യാപിപ്പിക്കും. മുദ്ര പദ്ധതിയിലൂടെ ഒരു സ്ത്രീക്ക് ഒരു ലക്ഷം രൂപയുടെ വായ്പ നല്‍കും. ജന്‍ധന്‍ അക്കൗണ്ടുള്ള എല്ലാ സ്ത്രീകള്‍ക്ക് ഓവര്‍ ഡ്രാഫ്റ്റ് സൗകര്യം ഒരുക്കുമെന്ന് ധനമന്ത്രി പ്രഖ്യാപിച്ചു.
2020 ഓടെ നാല് പുതിയ എംബസികള്‍ തുറക്കും. വേഗത്തില്‍ ആധാര്‍ കാര്‍ഡ് ലഭ്യമാക്കും.