മിനായിലും മക്കയിലും ശക്തമായ മഴ
അറഫാ സംഗമത്തിനിടെ അറഫയില്‍ ശക്തമായ മഴ പെയ്തിരുന്നു... ഉച്ചയ്ക്ക് ശേഷം അറഫയില്‍ ഇടിയോടു കൂടി ശക്തമായ മഴ ലഭിച്ചു. പല ടെന്ടുകളിലും വെള്ളം കയറി. ഇതിനെ വകവെക്കാതെ തീര്‍ഥാടകര്‍ പാപമോചന പ്രാര്‍ഥനകളില്‍ മുഴുകി.നല്ല മഴയാണ് പെയ്തതെങ്കിലും അല്ലാഹുവിന്റെ അനുഗ്രഹവർഷമായാണ് ഹാജിമാർ മഴയെ വരവേറ്റത് ..അനുഷ്ഠാന കര്‍മ്മങ്ങള്‍ നിര്‍വ്വഹിക്കുന്നതിനിടെ പെയ്ത മഴ ഹാജിമാര്‍ ശരിക്ക് ആസ്വദിച്ചു
പല ഹാജിമാരും വെയിലില്‍നിന്നുള്ള രക്ഷതേടി കുട കരുതിയത് മഴപെയ്തപ്പോൾ സഹായകമായി..അതേസമയം നിരവധി ഹാജിമാര്‍ മഴയിലും പ്രാര്‍ത്ഥന തുടര്‍ന്നു..മഴ പെയ്തതോടെ റോഡുകളില്‍ ചെറിയ തോതില്‍ വെള്ളവും ചെളിയും നിറഞ്ഞു. നിരവധി തീര്‍ഥാടകര്‍ക്ക് മഴ നനയാതിരിക്കാന്‍ മറ്റുള്ളവര്‍ സഹായം നല്‍കി..മഴയില്‍ നനഞ്ഞവര്‍ക്ക് വസ്ത്രങ്ങള്‍ കൊടുത്തും മറ്റും സഹായിച്ചു പരസ്പര സ്നേഹത്തിന്റെയും കൂട്ടായ്മയുടെയും ഉത്തമ മാതൃകയാണ് അറഫയിൽ കാണാൻ കഴിഞ്ഞത് .
മഴയുണ്ടാകുമെന്ന് നേരത്തെ മുന്നറിയിപ്പ് ഉണ്ടായിരുന്നതിനാല്‍ സിവില്‍ ഡിഫന്‍സ് എല്ലാ മുന്‍കരുതലുകളും സ്വീകരിച്ചിരുന്നു..വെള്ളപ്പൊക്ക സാധൃത ഇല്ലെന്നും വൈദ്യുതാഘാതമേല്‍ക്കാന്‍ ലോഹ വസ്തുക്കളില്‍ സ്പര്‍ശിക്കരുതെന്നും ഹാജിമാര്‍ പരമാവധി സുരക്ഷിത സ്ഥലങ്ങളില്‍ കഴിയാനും സൗദി സിവില്‍ ഡിഫന്‍സ് മുന്നറിയിപ്പ് ഉണ്ടായിരുന്നു
അറഫക്ക് പിന്നാലെ ഹാജിമാര്‍ തമ്പടിക്കുന്ന മിനായിലും മക്കയിലും ശക്തമായ മഴ പെയ്തു. ഖുൻഫുദ, അൽ കമൽ, അല്ലീത്ത്, ബഹ്റ, ജിദ്ദ, ഖുലൈസ് എന്നിവിടങ്ങളിൽ ശക്തമായ പൊടിക്കാറ്റിനു സാധ്യതയുള്ളതായി മുന്നറിയിപ്പ് ഉണ്ടായിരുന്നു
മഴയില്‍ ജംറാത്തിലെ കല്ലേറ് കര്‍മത്തിനായി പുറപ്പെട്ട ഹാജിമാരില്‍ ഭൂരിഭാഗം പേരും പ്രയാസപ്പെട്ടു. മികച്ച കാലാവസ്ഥയിലാണ് ഈ വര്‍ഷം ഹാജിമാര്‍ കര്‍മങ്ങള്‍ പൂര്‍ത്തിയാക്കിയത്. ആരോഗ്യ പ്രയാസമുള്ളവര്‍ക്ക് ചികിത്സാ സംവിധാനം ഏര്‍പ്പെടുത്തിയിട്ടുണ്ട്.
44 ഡിഗ്രി വരെയെത്തിയ ചൂടാണ് അറഫാ ദിനത്തില്‍ കുത്തനെ കുറഞ്ഞത്. രണ്ട് ദിവസത്തിനിടെ പരമാവധി 32 ഡിഗ്രി വരെ ചൂടെത്തിയിരുന്നു.. . അറഫയില്‍ മഴ പെയ്തതോടെ മികച്ച കാലാവസ്ഥയിലാണ് ഹാജിമാര്‍ ഇന്നലെ തിരക്ക് പിടിച്ച കര്‍മങ്ങള്‍ പൂര്‍ത്തിയാക്കിയത്. ഇതിന് പിന്നാലെ ഇന്നെത്തിയ മഴ മിനായെ കുളിര്‍പ്പിച്ചു.
വഴിയില്‍ കുടുങ്ങിയ ഹാജിമാര്‍ക്ക് വളണ്ടിയര്‍മാര്‍ തുണയായി. പ്രായമേറിയവരാണ് ഹജ്ജില്‍ ഭൂരിഭാഗവും. ഇവര്‍ക്ക് മതിയായ ചികിത്സ ഉറപ്പു വരുത്തുന്നുണ്ട് ആരോഗ്യ വിഭാഗങ്ങള്‍. കനത്ത മഴ മിനായ്ക്കൊപ്പം ഹറമിലേക്കുള്ള വഴിയുള്ളവരും കൊണ്ടു.
https://www.facebook.com/Malayalivartha
