ഒമാനില്‍ നിന്നുകൊണ്ടുവന്ന മാര്‍ബിള്‍ സ്വകാര്യകമ്ബനിയില്‍ ഇറക്കുന്നതിനിടെ മാര്‍ബിള്‍പാളി പൊട്ടിവീണ് പ്രവാസി മലയാളിക്ക് ദാരുണാന്ത്യം
ബഹ്റൈനിലെ ആലിബൂരിയില്‍ ഇന്നലെ രാവിലെയായിരുന്നു സംഭവം. മാര്‍ബിള്‍ ഇറക്കുന്നതിനിടെ മാര്‍ബിള്‍ പാളി അടര്‍ന്നു വീണ് നെയ്യാറ്റിന്‍കര മാരായമുട്ടം കല്ലിടാന്തി സി.എസ്.ഭവനില്‍ നിഷാന്ത് ദാസ് (27)മരിച്ചു. സല്‍മാനിയ ആശുപത്രി മോര്‍ച്ചറിയിലേക്ക് മാറ്റിയ മൃതദേഹം നാട്ടിലെത്തിക്കാനുള്ള നടപടികള്‍ ആരംഭിച്ചു. ഒമാനില്‍ നിന്നുകൊണ്ടുവന്ന മാര്‍ബിള്‍ സ്വകാര്യകമ്ബനിയില്‍ ഇറക്കുന്നതിനിടെ മാര്‍ബിള്‍പാളി പൊട്ടിവീണാണ് അപകടമുണ്ടായതെന്നാണ് വിവരം. നിഷാന്ത് ദാസ് സംഭവ സ്ഥലത്തു തന്നെ മരണപ്പെട്ടു. ഒപ്പമുണ്ടായിരുന്ന നാലു പേരെ പരിക്കുകളോടെ ബി.ഡി.എഫ് ആശുപത്രിയില്‍ പ്രവേശിപിച്ചു. ഇവരില്‍ രണ്ടുപേരുടെ പരിക്ക് ഗുരുതരമല്ല. ഇവരെ പ്രാഥമിക ശുശ്രൂഷ നല്‍കി ഉടന്‍ ഡിസ്ചാര്‍ജ്ജ് ചെയ്യുമെന്ന് ബന്ധപ്പെട്ടവര്‍ അറിയിച്ചു. മരണമടഞ്ഞ നിഷാന്ത് ദാസ് 2013 ലാണ് ബഹ്റിനില്‍ എത്തിയത്. കുടുംബം നാട്ടിലാണ്.
https://www.facebook.com/Malayalivartha
