വിദേശ സഞ്ചാരികളെ ഇന്ത്യയിലേക്ക് ആകർഷിക്കാൻ പുതിയ പദ്ധതിയുമായി ഇന്ത്യ . ഇനി മുതൽ പീക്ക് സീസണില്‍ കുറഞ്ഞ നിരക്കിൽ വിദേശികൾക്ക് ഇന്ത്യ സന്ദർശിക്കാൻ ഇ-ടൂറിസ്റ്റ് വിസ അനുവദിക്കും . കേന്ദ്ര ടുറിസം മന്ത്രി പ്രഹ്ലാദ് പട്ടേല്‍ ആണ് ഇക്കാര്യം അറിയിച്ചത്
വിദേശ സഞ്ചാരികളെ ഇന്ത്യയിലേക്ക് ആകർഷിക്കാൻ പുതിയ പദ്ധതിയുമായി ഇന്ത്യ . ഇനി മുതൽ പീക്ക് സീസണില്‍ കുറഞ്ഞ നിരക്കിൽ വിദേശികൾക്ക് ഇന്ത്യ സന്ദർശിക്കാൻ ഇ-ടൂറിസ്റ്റ് വിസ അനുവദിക്കും . കേന്ദ്ര ടുറിസം മന്ത്രി പ്രഹ്ലാദ് പട്ടേല്‍ ആണ് ഇക്കാര്യം അറിയിച്ചത്. ജൂലെ മുതല്‍ മാര്‍ച്ച് വരെയുള്ള പീക്ക് സീസണില്‍ 25 ഡോളറിന് 30 ദിവസത്തെ വിസ അനുവദിക്കാന്‍ ആണ് തീരുമാനം. ഇത് വഴി ഇന്ത്യയിൽ വിദേശ സഞ്ചാരികളെ ആകർഷിക്കാൻ ആകുമെന്നാണ് പ്രതീക്ഷിക്കുന്നത്
കൂടാതെ 80 ഡോളര്‍ നിരക്കില്‍ 5 വര്‍ഷത്തെ ഇ ടൂറിസ്റ്റ് വിസയും 40 ഡോളര്‍ നിരക്കില്‍ 1 വര്‍ഷത്തെ ഇ ടൂറിസ്റ്റ് വിസയും മന്ത്രി പ്രഖ്യാപിച്ചിട്ടുണ്ട്. ജപ്പാന്‍, സിംഗപ്പൂര്‍, ശ്രീലങ്ക എന്നിവിടങ്ങളില്‍ ഓഫ് സീസണില്‍ 30 ദിവസത്തേക്ക് 10 ഡോളറും ഒരു വര്‍ഷത്തേക്കും 5 വര്‍ഷത്തേക്കും 25 ഡോളറുമാണ് വിസ നിരക്ക്. എന്നാല്‍ ഇന്ത്യയില്‍ ഇനി ഏപ്രില്‍ മുതല്‍ ജൂണ്‍ വരെയുള്ള ഓഫ് സീസണില്‍ 30 ദിവസത്തെ ഇ-ടൂറിസ്റ്റ് വിസ 10 ഡോളര്‍ നിരക്കില്‍ നല്‍കുമെന്നും പട്ടേല്‍ പറഞ്ഞു
ഇന്ത്യന്‍ ടൂറിസം മേഖലയെ കുറിച്ച് സംസ്ഥാന സര്‍ക്കാര്‍ പ്രതിനിധികളുമായി ചൊവ്വാഴ്ച നടന്ന യോഗത്തിന്റെ ഉദ്ഘാടന ചടങ്ങില്‍ സംസാരിച്ച മന്ത്രി പ്രഹ്ലാദ് പട്ടേല്‍ വിനോദസഞ്ചാരികളെ ഇന്ത്യ സന്ദര്‍ശിക്കാന്‍ പ്രേരിപ്പിക്കുന്നതിനാണ് ഇപ്പോഴത്തെ നടപടിയെന്ന് പറഞ്ഞു.
വിദേശ വിനോദ സഞ്ചാരികൾക്ക് ഇന്ത്യയിലെത്താൻ അതിവേഗം വിസ ലഭ്യമാക്കുന്നതനുവേണ്ടിയുള്ളതാണ് ഇലക്‌ട്രോണിക് ടൂറിസ്റ്റ് വിസ (ഇ -വീസ) . മൂന്നു വര്‍ഷത്തിനുള്ളില്‍ വിദേശ ടൂറിസ്റ്റുകളുടെ വരവ് ഇരട്ടിപ്പിക്കാന്‍ ദീര്‍ഘകാല വിസകള്‍ , ചില മേഖലകളിലേക്കുള്ള യാത്രാ നിയന്ത്രണങ്ങളിലുള്ള ഇളവുകള്‍, പ്രമുഖ വിനോദ സഞ്ചാര മേഖലകളിലേയ്ക്ക് കൂടുതല്‍ വിമാന സര്‍വീസുകള്‍ തുടങ്ങിയ നടപടികലും സ്വീകരിക്കുന്നുണ്ട്
നാല് വർഷം മുമ്പാണ് ഇന്ത്യാ ഗവൺമെൻറ് ഇ – ടൂറിസ്റ്റ് വിസ നടപ്പാക്കിയത്..യു.എ.ഇ. പൗരന്മാർക്കായി ഇന്ത്യ അഞ്ചുവർഷത്തെ മൾട്ടിപ്പിൾ എൻട്രി ടൂറിസ്റ്റ്, ബിസിനസ് വിസകൾ നൽകിത്തുടങ്ങിയിട്ടുമുണ്ട് . ഇന്ത്യൻ എംബസിയിലെ സ്വാതന്ത്ര്യ ദിനാഘോഷത്തിനിടയിലാണ് യു.എ.ഇ.യിലെ ഇന്ത്യൻ സ്ഥാനപതി നവദീപ് സിങ് സൂരി ഇക്കാര്യം വെളിപ്പെടുത്തിയത്.
യു.എ.ഇ.യിൽ താമസിക്കുന്ന ഏത് ഇമറാത്തിപൗരനും അഞ്ചുവർഷത്തെ മൾട്ടിപ്പിൾ എൻട്രി ടൂറിസ്റ്റ്,ബിസിനസ് വിസകൾ ഉടനടി നൽകുകയെന്നതാണ് സർക്കാർ മാർഗനിർദേശങ്ങൾക്കനുസൃതമായി നടപ്പാക്കുന്നത്.ഇന്ത്യയിലേക്കുള്ള പതിവ് യാത്രക്കാരാണെങ്കിലും ഹ്രസ്വകാല വിസ അല്ലെങ്കിൽ സിംഗിൾ എൻട്രി വിസ കാരണം ബുദ്ധിമുട്ട് നേരിടുന്നുവെന്ന ഇമറാത്തികളുടെ പരാതി കണക്കിലെടുത്താണ് പുതിയ സംവിധാനമെന്നും ഇന്ത്യൻ സ്ഥാനപതി അറിയിച്ചു.......
https://www.facebook.com/Malayalivartha
