ഓണ നാളുകളിൽ പല രീതിയിലുളള ഓണ ആഘോഷങ്ങൾ നാം കണ്ടിട്ടുണ്ട്. കുടുംബത്തോടൊപ്പവും കൂട്ടുക്കാർക്കൊപ്പവും സഹപ്രവർത്തകർക്കൊപ്പവും ഒക്കെ ഓണം ആഘോഷിക്കുന്നു. ഓണം എന്ന സന്തോഷ നാളുകളിൽ നമ്മുടെ സന്തോഷത്തിന് മാത്രം പ്രാധാന്യം കൽപ്പിക്കാതെ മറ്റുള്ളവരെയും ഓർക്കുന്ന കുറെ നന്മ മനസ്സുകളെയാണ് നമ്മുക്ക് കാണാൻ സാധിക്കുന്നു. സന്തോഷത്തിൽ മതി മറക്കുമ്പോൾ നമ്മിൽ എത്രപ്പേർ സന്തോഷിക്കാനോ മറ്റും കഴിയാതെ പലയിടങ്ങളിൽ ആയിരിക്കുന്നവരെ ഓർക്കാറുണ്ട്. ഇവിടെ ഇതാ അത്തരത്തിലൊരു ഓണ ആഘോഷം നടത്തിയിരിക്കുന്നു. ജീവിതത്തിന്റെ അപ്രതീക്ഷ നിമിഷങ്ങളിൽ കടന്നു വരുന്ന പല രോഗങ്ങൾ പലരെയും കീഴടക്കും. ഒരു കൂട്ടം വ്യക്തികൾ ചേർന്ന് കിടപ്പിൽ കിടക്കുന്ന രോഗികൾക്ക് സന്തോഷിക്കാൻ അവസരമൊരുക്കി കൊടുത്ത് സന്തോഷത്തിന്റെ നിമിഷങ്ങൾ നല്കിയിരിക്കുന്നയാണ്. വഞ്ചിപ്പാട്ടും വള്ള സദ്യയുമൊക്കെയായി ഗാന മേളയുമൊക്കെ ആയി കിടപ്പു രോഗികൾക്കായി ഓണം ആഘോഷം ഒരുക്കി. ശാന്തി ഭവൻ പാലിയേറ്റിവ് ആശുപത്രിയിലെ കിടപ്പു രോഗികൾക്ക് വേണ്ടിയാണ് വ്യത്യസ്തമായ ഓണാഘോഷ പരിപാടി 'നല്ലോണം 2019 ' സംഘടിപ്പിച്ചത്. ആശുപത്രി ജീവനക്കാർ അടക്കമുള്ളവരാണ് ഗാന മേള സംഘടിപ്പിച്ചത്.

പ്രവാസി മലയാളി ഫെഡറേഷനുമായി സഹകരിച്ചായിരുന്നു പരിപാടികൾ ഒരുക്കിയത്. തൃശൂർ റേഞ്ച് ഡി ഐ ജി എസ്. സുരേന്ദ്രനായിരുന്നു പരിപാടികൾ ഉൽഘാടനം ചെയ്തത്. പ്രവാസി മലയാളി ഫെഡറേഷന്റെ ചെയർമാൻ ഡോ. ജോസ് കാനാട്ടായിരുന്നു അധ്യക്ഷനായത്. ശാന്തി ഭവൻ പാലിയേറ്റിവ് ആശുപത്രിയുടെയും പ്രവാസി മലയാളി ഫെഡറേഷന്റെയും പേട്രൺ കൂടിയായ ഡോ മോൺസെൻ മാവുങ്കൽ , സിനിമ താരങ്ങളായ ശ്രീലയ , ശ്രുതി ലക്ഷ്മി എന്നിവർ മുഖ്യ അതിത്ഥികളായിരുന്നു. ആശുപത്രി അധികൃതർ അടക്കം പലരും ഈ പരിപാടിയിൽ പങ്കെടുത്തിരുന്നു. ആശുപത്രി സി ഇ ഒ റവ ഫാദർ ജോയ് കുത്തൂർ , അസ്സിസ്റ്റന്റ് പോലീസ് കമ്മീഷണർ വി കെ രാജു, നിറപറ എം ഡി അഡ്വക്കേറ്റ് രാജു കർണ്ണൻ , എന്നിവർ ഈ ധന്യ മുഹൂർത്തത്തിൽ പങ്കാളികൾ ആയി.