പ്രവാസി മലയാളിയെ സൗദിയില്‍ രക്തം വാര്‍ന്ന് മരിച്ച നിലയില്‍ കണ്ടെത്തി. ശാരാ ഹിറയിലെ മസ്ജിദ് ഇബ്‍നു ഖയ്യൂമില്‍ ജോലി ചെയ്തിരുന്ന മലപ്പുറം കൊണ്ടോട്ടി സ്വദേശി ഇമ്പിച്ചിക്കോയ തങ്ങളാണ് മരിച്ചത്. 

പള്ളിയില്‍ സ്ത്രീകള്‍ നമസ്കരിക്കാനായി കയറുന്ന ഭാഗത്തായിരുന്നു മൃതദേഹം കണ്ടെത്തിയത്. പള്ളിയുടെ മുകളില്‍ നിന്ന് വീണുമരിച്ചതാണെന്ന് സംശയിക്കുന്നു. പോലീസ് സ്ഥലത്തെത്തി അന്വേഷണം ആരംഭിച്ചു. കൂടുതല്‍ വിവരങ്ങള്‍ അറിവായിട്ടില്ല.