സൗദിയിലെ മരുഭൂമിയില്‍ വാഹനാപകടത്തെ തുടര്‍ന്ന് മലയാളി നഴ്സുമാര്‍ കുടുങ്ങി. റിയാദില്‍ നിന്ന് അല്‍ഖോബാര്‍ ആശുപത്രിയിലേക്ക് പോവുകുന്ന വഴിയില്‍ ഇവരുടെ വാഹനം അപകടത്തിപ്പെടുകയായിരുന്നു. ഇവര്‍ സഞ്ചരിച്ചിരുന്ന മിനി ബസ് ട്രക്കിന് പിന്നില്‍ ഇടിച്ചായിരുന്നു അപകടം.

കഴിഞ്ഞ ദിവസം രാവിലെ 10.45ഓടെ നടന്ന അപകടത്തിൽ ആര്‍ക്കും പരിക്കേറ്റിട്ടില്ല. എന്നാല്‍ സ്ഥലത്തെത്തിയ പൊലീസ് സംഘം ഡ്രൈവറെ കസ്റ്റഡിയിലെടുത്തു. അപകട കാരണം ഇയാളുടെ അശ്രദ്ധയാണെന്നാണ് സൂചന.എന്നാല്‍ പകരം വാഹനമെത്താന്‍ മണിക്കൂറുകള്‍ വൈകിയതോടെ നഴ്സുമാര്‍ വഴിയില്‍ കുടുങ്ങി. പിന്നീട് വൈകുന്നേരം ആറ് മണിക്ക് ശേഷമാണ് മറ്റ് വാഹനങ്ങളെത്തിച്ച്‌ ഇവരെ കൊണ്ടുപോയത്.