കഴുത്തില്‍ കുരുക്കിട്ട് നിന്ന് ആത്മഹത്യാ ദൃശ്യം ലൈവായി കാമുകിയ്ക്ക് അയച്ചു നല്‍കി കുവൈറ്റില്‍ പ്രവാസി യുവാവ് തൂങ്ങിമരിച്ചു. ശ്രീലങ്കന്‍ യുവാവാണ് ലൈവായി കാമുകിയെ മരണ ദൃശ്യങ്ങള്‍ കാണിച്ച്‌ ജീവിതം അവസാനിപ്പിച്ചത്. ഖൈത്താനിലെ ഒരു ഫ്‌ളാറ്റിലാണ് സംഭവം. യുവാവ് താമസിച്ചിരുന്ന ഫ്‌ളാറ്റ് സമുച്ചയം ഉള്‍പ്പെടുന്ന കെട്ടിടത്തില്‍ തന്നെയാണ് കാമുകിയായ യുവതിയും താമസിച്ചിരുന്നത്.

കഴുത്തില്‍ കുരുക്കിട്ട് നിന്ന ശേഷമാണ് ഇയാള്‍ കാമുകിയ്ക്ക് ലൈവായി ദൃശ്യങ്ങള്‍ അയച്ചു നല്‍കിയത്. ദൃശ്യം കണ്ട് പകച്ച യുവതി ഉടനടി മറ്റൊരു പ്രവാസി യുവാവിനെയും കൂട്ടി ഓടിയെത്തിയെങ്കിലും കാമുകന്‍ മരിച്ചിരുന്നു.