ദിവസക്കൂലിക്ക് നിയമിച്ച ഡ്രൈവര്‍മാരെ പിരിച്ചു വിടണമെന്ന നിർദേശവുമായി ഹൈക്കോടതി
26 SEPTEMBER 2019 04:05 PM IST
മലയാളി വാര്‍ത്ത
ദിവസക്കൂലിക്ക് നിയമിച്ച ഡ്രൈവര്‍മാരെ പിരിച്ചു വിടണമെന്ന് കെഎസ്‌ആര്‍ടിസിയോട് ഹൈക്കോടതി. ഈ കാര്യം കർശനമായി പാലിക്കണമെന്നും നിർദേശം. ദിവസക്കൂലിക്ക് ഇനി ഡ്രൈവര്‍മാരെ നിയമിക്കരുതെന്നും, ജൂലൈ ഒന്നാം തീയതി കഴിഞ്ഞിട്ട് ദിവസക്കൂലി അടിസ്ഥാനത്തില്‍ കെഎസ്‌ആര്‍ടിസിയില്‍ ജോലിക്ക് പ്രവേശിപ്പിച്ചവരെ പിരിച്ചു വിടാനും കോടതി പറഞ്ഞു.
ഇപ്പോൾ പിരിച്ചു വിട്ട എംപാനല്‍ ജീവനക്കാരെ ദിവസക്കൂലിക്കായി പ്രവേശിപ്പിക്കുന്നതും ഹൈക്കോടതി വിലക്കി. പിഎസ്‍സി റാങ്ക് ഹോള്‍ഡര്‍മാരുടെ പരാതിയില്‍ എംപാനല്‍ കണ്ടക്ടര്‍മാരെ പിരിച്ചുവിട്ടതിന് പിന്നാലെ എംപാനല്‍ ഡ്രൈവര്‍മാരെയും പിരിച്ച്‌ വിടാൻ കോടതി ഉത്തരവിറക്കിയിരുന്നു. ഇതിൻറെ ഭാഗമായി കെഎസ്‌ആര്‍ടിസി 2107 എംപാനല്‍ ഡ്രൈവര്‍മാരെ പിരിച്ചു വിടുകയുണ്ടായി. എന്നാൽ ഇനി ദിവസക്കൂലിക്ക് ഡ്രൈവര്‍മാരെ നിയമിക്കരുതെന്ന് പറഞ്ഞിരിക്കുകയാണ് ഹൈക്കോടതി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
