സൗദിയിൽ നിന്നും ഏറ്റവും ദുഖകരമായ വാർത്തയാണ് എപ്പോൾ പുറത്തേക്ക് വരുന്നത്. തീ പൊള്ളലേറ്റ് ജിദ്ദ കിങ് അബ്ദുൽ അസീസ് മഹജർ ആശുപത്രിയിൽ ചികിത്സയിലായിരുന്ന മലയാളി മരിച്ചു. മഞ്ചേരി പാപ്പിനിപ്പാറ പള്ളിയാളിപ്പടി ചുള്ളിയിൽ പരേതനായ വടക്കു വീട്ടിൽ കുഞ്ഞിമുഹമ്മദ് എന്ന കുഞ്ഞാെൻറ മകൻ അബ്ദുൽ കബീറാണ് മാരകമായ പൊള്ളലേറ്റ മരിച്ചത്. 42 വയസാണ് പ്രായം. കബീർ ഓടിച്ചിരുന്ന ലോറി കുറച്ചു ദിവസങ്ങൾക്ക് മുൻപ് അപകടത്തിൽ പെട്ടിരുന്ന. അപകടത്തിൽപെട്ടപ്പോൾ ലോറിയിൽ നിന്നുംവലിയ തോതിൽ തീ ഉണ്ടായി. ഇതിൽ നിന്നും ഉണ്ടായ തീപൊള്ളലേറ്റ് ചികിത്സയിലായിരുന്നു കബീർ.

അതേസമയം ലോറി എവിടെ വച്ചാണ് അപകടപ്പെട്ടത് എന്ന് അറിയിക്കാൻ ഇതുവരെ പൊലീസോ കബീർ ജോലി ചെയ്തിരുന്ന കമ്പനിയിലെ അധികൃതരോ തയ്യാറായിട്ടില്ല. ഭാര്യ: ഏലാച്ചോല ഹസീന (വെള്ളില). മക്കൾ : അസ്മിത, അഫ്നിത, അൻഷിദ, അഷ്ലിൻ. മൃതദേഹം നാട്ടിൽ എത്തിക്കാനുള്ള ഒരുക്കത്തിലാണ് അധികൃതർ. എത്രയും വേഗം നാട്ടിൽ എത്തിക്കുമെന്നും അധികൃതർ പറയുകയുണ്ടായി.