സൗദിയിൽ ബസ് അപകടത്തിൽ പ്രവാസി യുവതിയും ...
സൗദിയിൽ ഉംറ തീർഥാടകരുടെ ബസ് അപകടത്തിൽപെട്ട് ഗുരുതരമായി പരുക്കേറ്റ് ആശുപത്രിയിൽ പ്രവേശിപ്പിച്ച 4 തീർഥാടകരിൽ 3 പേർ അപകട നില തരണം ചെയ്തിട്ടില്ലെന്ന് ആശുപത്രി അധികൃതർ വ്യക്തമാക്കി. അതോടൊപ്പം തന്നെ ഉംറ തീര്ഥാടനത്തിന് പോയ ബസ് മദീനയില് വച്ച് തീപിടിച്ച് മരിച്ചവരില് ഇന്ത്യക്കാരനും ഉള്ളതായി റിപ്പോർട്ട്. മുംബൈ സ്വദേശിയാണ് അപകടത്തില് മരിച്ചത്. അപകടത്തിൽ ഉണ്ടായ തീയിൽപെട്ട് 35 പേർ വെന്തു മരിച്ചിരുന്നു. മദീനാ സന്ദർശനം പൂർത്തിയാക്കി മക്കയിലേക്കു പോകവേ ഹിജ്റ റോഡിലായിരുന്നു അപകടം നടന്നത്. മദീനയിൽനിന്നു 170 കിലോമീറ്റർ അകലെ, ബുധനാഴ്ച രാത്രി ഇവർ സഞ്ചരിച്ച ബസ് മണ്ണുമാന്തി യന്ത്രത്തിൽ ഇടിച്ച് തീപ്പിടിക്കുകയായിരുന്നു.
ബസിലുണ്ടായിരുന്ന 39 പേരില് 35 പേരും സംഭവസ്ഥലത്തു വെച്ച് തന്നെ മരിക്കുകയായിരുന്നു. മൃതദേഹങ്ങളെല്ലാം കത്തിക്കരിഞ്ഞ നിലയിലായിരുന്നു കണ്ടെത്തിയത്. ഇവരിൽ മലയാളികൾ ഇല്ലെന്നാണ് ലഭിക്കുന്ന സൂചന. ബംഗ്ലദേശ് പൗരൻ നടത്തുന്ന സിയാറ ഗ്രൂപ്പിന്റെ കീഴിൽ തീർഥാടനത്തിനു പോയ വിവിധ രാജ്യക്കാരാണ് അപകടത്തിൽപെട്ടത് എന്നാണ് റിപ്പോർട്ട്. കൂടുതലും ബംഗ്ലദേശ്, ഇന്തൊനീഷ്യ പൗരന്മാരാണ്. ഗുരുതരമായി പരുക്കേറ്റ 3 പേർ കിങ് ഫഹദ് ആശുപത്രിയിലും ഒരാൾ അൽഹംന ആശുപത്രിയിൽ ചികിത്സയിലാണ്. ദുരന്തത്തിൽപെട്ടവർക്ക് ആവശ്യമായ സഹായം നൽകാൻ മദീന ഗവർണർ നിർദേശം നൽകിയിരുന്നു.
https://www.facebook.com/Malayalivartha