മൂടൽ മഞ്ഞ് നിറഞ്ഞ് ദുബായിലെ നിരത്തുകൾ ; പതിയിരിക്കുന്ന അപകടങ്ങൾ
മഞ്ഞ് കാലം വന്നതിനെ തുടർന്ന് യുഎഇയുടെ വിവിധ മേഖലകളിൽ പുലർച്ചെ ശക്തമായ മൂടൽമഞ്ഞ് അനുഭവപ്പെടുകയുണ്ടായി. രാവിലെ 8 വരെ ഇതു തുടർന്നതായി റിപ്പോർട്ട്. ദൂരക്കാഴ്ച കുറഞ്ഞത് വാഹനഗതാഗതത്തെ ബാധിച്ചുവെന്നാണ് പറയപ്പെടുന്നത്. അബുദാബി മദീനത് സായിദ്, ദുബായ്-അൽഐൻ റോഡ്, വടക്കൻ എമിറേറ്റുകളിലെ മലയോര മേഖലകൾ എന്നിവിടങ്ങളിൽ ഇനിയുള്ള ദിവസങ്ങളിലും മൂടൽമഞ്ഞിനു സാധ്യതയുണ്ടെന്നു ദേശീയ കാലാവസ്ഥാ നിരീക്ഷണകേന്ദ്രം അറിയിക്കുകയുണ്ടായി. എന്നാൽ തന്നെയും രാജ്യത്തു ചൂട് കുറഞ്ഞത്തിന്റെ ആഹ്ലാദത്തിലാണ് പ്രവാസികൾ.
അബുദാബി, ദുബായ്, ഷാർജ എന്നിവിടങ്ങളിലും കഴിഞ്ഞദിവസങ്ങളിൽ മൂടൽമഞ്ഞ് ഉണ്ടായിരുന്നതയാണ് റിപ്പോർട്ട്. ദുബായ് വിമാനത്താവളം, അജ്മാൻ, സ്വീഹാൻ, മിൻഹാദ് മേഖലകളിൽ മഞ്ഞ് ശക്തമായിരുന്നു. കാലാവസ്ഥാ മാറ്റം കണക്കിലെടുത്ത് വാഹനമോടിക്കുന്നവർ ജാഗ്രത പാലിക്കണമെന്നു പൊലീസ് മുന്നറിയിപ്പ് നൽകിയിരിക്കുകയാണ്. അമിതവേഗത്തിൽ പോകുകയോ സിഗ്നൽ ഇടാതെ ലെയ്ൻ മാറുകയോ ചെയ്യരുതെന്നും വ്യക്തമാക്കി. വാഹനങ്ങൾ തമ്മിൽ സുരക്ഷിത അകലം പാലിക്കണമെന്നും വാഹനമോടിക്കാൻ ബുദ്ധിമുട്ടു തോന്നിയാൽ സുരക്ഷിതമായി വാഹനം ഒതുക്കി നിർത്തുകയും വേണമെന്നും പോലീസ് നിർദ്ദേശിക്കുകയുണ്ടായി.
https://www.facebook.com/Malayalivartha