വിയന്ന യൂണിവേഴ്സിറ്റി ഓഫ് ടെക്നോളജിയിൽ വനിതകൾക്ക് 6000 യൂറോ സ്റ്റൈപ്പൻഡോടെ കംപ്യൂട്ടർ സയൻസ് മാസ്റ്റേഴ്സ് പ്രോഗ്രാം പഠിക്കാം... കോഴ്സ് ട്യൂഷൻ ഫീസ് ഇല്ല
വിയന്ന യൂണിവേഴ്സിറ്റി ഓഫ് ടെക്നോളജിയിൽ കംപ്യൂട്ടർ സയൻസ് മാസ്റ്റേഴ്സ് പ്രോഗ്രാം സ്റ്റൈപ്പൻഡോടെ പഠിക്കാൻ വനിതകൾക്ക് അവസരം. വിയന്നയിലെ വോൾഫ്ഗാങ് പോളി ഇൻസ്റ്റിറ്റ്യൂട്ടിന്റെ സഹകരണത്തോടെയാണ് ‘ഹെൽമത് വെയ്ത്ത് സ്റ്റൈപ്പൻഡ്’ പദ്ധതി നടപ്പിലാക്കുന്നത്. കോഴ്സ് കാലയളവിൽ ഓസ്ട്രിയയിൽ താമസം നിർബന്ധമാണ്.
കംപ്യൂട്ടർ സയൻസ് ലോജിക്, കംപ്യൂട്ടർ എയ്ഡഡ് വെരിഫിക്കേഷൻ, സോഫ്റ്റ്വേർ എൻജിനിയറിങ്, കംപ്യൂട്ടർ സെക്യൂരിറ്റി തുടങ്ങിയ മേഖലകളിൽ പ്രവർത്തിച്ച പ്രമുഖനായ കംപ്യൂട്ടർ ശാസ്ത്രജ്ഞൻ ഹെൽമത് വെയ്ത്തിന്റെ ഓർമ്മക്കായി ഏർപ്പെടുത്തിയിട്ടുള്ളതാണ് ഈ പദ്ധതി . വർഷം 6000 യൂറോ (ഏകദേശം 4.75 ലക്ഷം രൂപ) സ്റ്റൈപ്പൻഡ് ലഭിക്കും .. കോഴ്സ് ട്യൂഷൻ ഫീസ് ഇല്ല എന്ന ആനുകൂല്യവും ഉണ്ട്
ഓസ്ട്രിയൻ ഉന്നത വിദ്യാഭ്യാസ സ്ഥാപനങ്ങൾ നൽകുന്ന ഡിഗ്രി പ്രോഗ്രാമുകളുടെ എണ്ണം അനുദിനം വർദ്ധിച്ചുകൊണ്ടിരിക്കുകയാണ്. ഫസ്റ്റ് ക്ലാസ് റിസർച്ച് അധിഷ്ഠിത കോഴ്സുകൾ, ആർട്സ് സർവകലാശാലകളിൽ ലോകപ്രശസ്ത നിലവാരത്തിലുള്ള വിദ്യാഭ്യാസം, അപ്ലൈഡ് സയൻസസ് സർവകലാശാലകളിലെ ഉയർന്ന നിലവാരമുള്ള പ്രാക്ടീസ്-ഓറിയന്റഡ് ഡിഗ്രി കോഴ്സുകൾ, അധ്യാപക കോഴ്സുകൾ, മറ്റ് നൂതന കോഴ്സുകൾ എന്നീ കോഴ്സുകൾക്ക് ഓസ്ട്രിയൻ സർവകലാശാലകളിൽ ഇപ്പോൾ അവസരമുണ്ട്
കംപ്യൂട്ടർ സയൻസിലോ മാത്തമാറ്റിക്സിലോ ബാച്ചിലർ ബിരുദമുള്ള വനിതകൾക്ക് കംപ്യൂട്ടർ സയൻസ് മാസ്റ്റേഴ്സ് പ്രോഗ്രാമിന് അപേക്ഷിക്കാം .ലോജിക് ഇൻ കംപ്യൂട്ടർ സയൻസ്, ഫോർമൽ മെത്തേഡ്സ് ആൻഡ് വെരിഫിക്കേഷൻ, ഫൗണ്ടേഷൻസ് ഓഫ് ആർട്ടിഫിഷ്യൽ ഇന്റലിജൻസ്, കോംപ്ലക്സിറ്റി തിയറി, കംപ്യൂട്ടർ സെക്യൂരിറ്റി എന്നീ മേഖലകളിലൊന്നിൽ സമഗ്രമായ അറിവും താത്പര്യവും ഉണ്ടായിരിക്കണം. ..
കംപ്യൂട്ടർ സയൻസ് മാസ്റ്റേഴ്സ് കോഴ്സ് പ്രവേശനത്തിനുള്ള യോഗ്യത, ഇംഗ്ലീഷ് ഭാഷാ പ്രാവീണ്യം എന്നിവ അപേക്ഷാർഥിക്കു വേണം. പഠന മാധ്യമം ഇംഗ്ലീഷായിരിക്കും.
പ്രവേശനത്തിനുള്ള നടപടികൾക്കൊപ്പം തന്നെ ഫണ്ടിങ് അപേഷയും നൽകാം. പ്രവേശനം നേടിയാൽ മാത്രമേ സാമ്പത്തിക സഹായത്തിന് പരിഗണിക്കൂ.
കരിക്കുലം വിറ്റേ, ബാച്ചിലർ കോഴ്സ്/മറ്റ് ഡിഗ്രി എന്നിവയുടെ പൂർണ ട്രാൻസ്ക്രിപ്റ്റ്, ഡിപ്ലോമ/ഡിഗ്രി/മറ്റ് സർട്ടിഫിക്കറ്റുകൾ, റക്കമെന്റേഷൻ കത്തുകൾക്കായി രണ്ട് റഫറികളുടെ കോൺടാക്ട് വിവരങ്ങൾ, ഇംഗ്ലീഷ് ലാംഗ്വേജ് സർട്ടിഫിക്കറ്റ് (ടോഫൽ/സമാനം) തുടങ്ങിയ രേഖകൾ, പ്രോഗ്രാമിന് അപേക്ഷിക്കുന്ന താത്പര്യം വ്യക്തമാക്കുന്ന ആമുഖ കത്ത് സഹിതം, master@logic-cs.at എന്ന ഇ-മെയിൽ വിലാസത്തിലേക്ക് നവംബർ 30-നകം ലഭിക്കത്തക്കവിധം അയയ്ക്കണം..
വിവരങ്ങൾക്ക്: https://forsyte.at/helmut-veith-stipend......
https://www.facebook.com/Malayalivartha