മനുഷ്യ മനസാക്ഷിയെ വൃണപ്പെടുത്തുന്ന തരത്തിലുള്ള മർദ്ദന രീതികളാണ് ഇപ്പോൾ ഗാർഹിക പീഡനത്തിലൂടെ നമ്മൾ ദിനംപ്രതി കണ്ടുകൊണ്ടിരിക്കുന്നത്. അത്തരത്തിൽ ഒരു വീഡിയോ സമൂഹ മാധ്യമങ്ങളിൽ നിറയുകയാണ്. ഭര്‍ത്താവ് തന്നെ ക്രൂരമായി മര്‍ദ്ദിക്കുന്നു, സഹായിക്കണമെന്ന് അപേക്ഷിച്ച്‌ യുവതിയുടെ വീഡിയോ സന്ദേശം അതിവേഗം സമൂഹ മാധ്യമങ്ങളിൽ വൈറലായി മാറിയിരിക്കുകയാണ്. ജാസ്മിന്‍ സുല്‍ത്താന എന്ന സ്ത്രീയാണ് ഷാര്‍ജയില്‍ നിന്നും വീഡിയോ സന്ദേശത്തിലൂടെ സഹായം ആവശ്യപ്പെട്ടുകൊണ്ട് രംഗത്തേക്ക് എത്തിയത്. ഭര്‍ത്താവ് ക്രൂരമായി ഉപദ്രവിക്കുന്നുവെന്നും രക്ഷിക്കണമെന്നുമാണ് ട്വിറ്ററിലൂടെ വീട്ടമ്മ ആവശ്യപ്പടുന്നത് വ്യക്തമായി വീഡിയോയിലൂടെ കാണുവാൻ സാധിക്കും.

അതോടൊപ്പം തന്നെ വീഡിയോയിലൂടെ മുഖത്ത് മര്‍ദനത്തിന്റെ പാടുകള്‍ വ്യക്തമായി കാണാം. 'അടിയന്തിരമായി സഹായം വേണം എന്ന് യുവതി വീഡിയോയിലൂടെ അപേക്ഷിക്കുന്നുമുണ്ട്. എന്റെ പേര് ജാസ്മിന്‍ സുല്‍ത്താന. ഞാന്‍ യുഎഇയിലെ ഷാര്‍ജയില്‍ താമസിക്കുന്നു. എന്റെ ഭര്‍ത്താവിന്റെ പേര് മൊഹമ്മദ് ഖിസര്‍ ഉല്ല. എന്നെ ഭര്‍ത്താവ് ക്രൂരമായി ഉപദ്രവിക്കുന്നു. സഹായിക്കണം' എന്ന കുറിപ്പോടുകൂടിയാണ് യുവതി ട്വിറ്ററില്‍ വിഡിയോ പങ്കുവച്ചിരിക്കുന്നത്. അതേസമയം നിരവധി പേര്‍ വീഡിയോ ഷെയര്‍ ചെയ്തു. വിദേശകാര്യ സഹമന്ത്രി വി മുരളീധരന്‍ ഉള്‍പ്പെടെയുള്ളവരുടെ പേജുകളിലും ആവശ്യവുമായി നിരവധി പേര്‍ കമന്റുകളുമായി രംഗത്ത് എത്തിയിട്ടുണ്ട്.