കുവൈത്ത് സിറ്റിയുടെ മുഖം മാറുന്നു ...നഗരവികസനത്തിന് വേണ്ടി വൻ പദ്ധതികൾ ഒരുങ്ങുന്നു !
കുവൈത്ത് സിറ്റിയുടെ മുഖഛായ മാറ്റാൻ പദ്ധതി ഒരുങ്ങുന്നു. കുവൈത്ത് സിറ്റി അർബൻ പ്ലാൻ പ്രൊജക്ട്-2030 എന്ന് പേരിട്ട പദ്ധതി പൂർത്തിയാകുന്നതോടെ മിർഗാബ് മുതൽ മാലിയ വരെ നീണ്ടുനിൽക്കുന്ന കുവൈത്ത് സിറ്റിയുടെ മുഖച്ഛായ പാടേ മാറും. താമസമേഖലയും വാണിജ്യമേഖലയുമൊക്കെ ചേർന്നുള്ള ബഹുമുഖ പദ്ധതികളാകും ഇനി പൂർത്തിയാക്കുക.
കുവൈറ്റ് സിറ്റിയുടെ മുഖം മാറുന്നത്തിന്റെ തുടക്കം കുറിച്ച് കൊണ്ട് നിർദിഷ്ട മെട്രോ റയിലുമായി ബന്ധപ്പെട്ട സ്റ്റേഷനുകൾ, നവീകരിക്കുന്ന പൊതുഗതാഗത സംവിധാനങ്ങൾ, വാണിജ്യസ്ഥാപനങ്ങൾ, ആഢംബര ഹോട്ടൽ അപ്പാർട്മെന്റുകൾ, റിക്രിയേഷൻ കേന്ദ്രങ്ങൾ, പൊതുസേവന സംവിധാനങ്ങൾ എന്നിവയ്ക്ക് പുത്തൻ സംവിധാനങ്ങൾ ഒരുക്കും . ഒപ്പം പൈതൃകങ്ങൾ കാത്തുസൂക്ഷിക്കുന്ന സംവിധാനങ്ങളും ക്രമീകരിക്കും. അബ്ദുല്ല സ്ട്രീറ്റ്, മുബാറക് സ്ട്രീറ്റ്, മുബാറൽ അൽ കബീർ സ്ട്രീറ്റ്, ഖാലിദ് ബിൻ അൽ വലീദ് സ്ട്രീറ്റ്, ജാബർ അൽ മുബാറക് സ്ട്രീറ്റ്, ഫഹദ് അൽ സാലെം സ്ട്രീറ്റ് എന്നിവയെല്ലാം നവീകരിക്കും
. വികസനം ജനങ്ങളിൽ എത്തിക്കുംവിധം സമഗ്ര പദ്ധതികളാണ് ആവിഷ്കരിക്കുന്നതെന്ന് അധികൃതർ വ്യക്തമാക്കി. സാമൂഹിക-സാമ്പത്തിക രംഗത്തെ കാലനുസൃത മാറ്റങ്ങൾ അനുഭവവേദ്യമാക്കുന്നതിന് നഗരവൽക്കരണം ത്വരിതപ്പെടുത്തേണ്ടതുണ്ടെന്നാണ് വിലയിരുത്തൽ. അതിനനുസരിച്ചാണ് കുവൈത്ത് സിറ്റിയുടെ മുഖഛായ മാറ്റുന്നതിനുള്ള പദ്ധതികളും. സ്വകാര്യമേഖലയുടെ പങ്കാളിത്തത്തോട് കൂടിയാകും പദ്ധതികൾ നടപ്പാക്കുക.
https://www.facebook.com/Malayalivartha