പ്രവാസി മലയാളികളുടെ ഭൗതീക ശരീരം സൗജന്യമായി നാട്ടിലെത്തും; നോർക്ക റൂട്സിന്റെയും എയർ ഇന്ത്യയുടേയും പദ്ധതി ഇനിമുതൽ
ഗള്ഫില് മരിക്കുന്ന എല്ലാ പ്രവാസികളുടേയും മൃതദേഹം സൗജന്യമായി നാട്ടിലേക്കെത്തിക്കണമെന്നതാണ് പ്രവാസി മലയാളികളുടെ കാലങ്ങളായുള്ള ആവശ്യം എന്നത്. അതിന് മുഴുവിരാമം കുറിച്ചുകൊണ്ട് ഗള്ഫ് രാജ്യങ്ങളില് മരിക്കുന്ന പ്രവാസി മലയാളികളുടെ ഭൗതിക ശരീരം തൊഴില് ഉടമയുടേയോ, സ്പോണ്സറിന്റെയോ, എംബസ്സിയുടെയോ സഹായം ലഭിക്കാത്ത സാഹചര്യത്തില് സൗജന്യമായി നാട്ടിലെത്തിക്കുന്നതിനുള്ള (നോര്ക്ക അസിസ്റ്റന്റ് ബോഡി റിപ്പാട്രിയേഷന്) പദ്ധതി നടത്തിപ്പിന് നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസറും എയര് ഇന്ത്യ എക്സിക്യൂട്ടീവ് ഡയറക്ടര് കാര്ഗോയുമായി ധാരണാപത്രം ഒപ്പുവച്ചതായി റിപ്പോർട്ട്.
വിദേശ രാജ്യങ്ങളില് മരിക്കുകയും ഭൗതിക ശരീരം നാട്ടിലെത്തിക്കാന് മറ്റു സഹായം ലഭ്യമാകാത്ത നിരാലംബര്ക്ക് ആശ്വാസമേകുക എന്ന ലക്ഷ്യത്തോടെയാണ് ഈ പദ്ധതി നടപ്പിലാക്കുന്നത്. വിമാനത്താവളങ്ങളില് എത്തിക്കുന്ന ഭൗതിക ശരീരം നോര്ക്ക റൂട്ട്സിന്റെ നിലവിലുള്ള എമര്ജന്സി ആംബുലന്സ് സർവീസ് മുഖേന മരിച്ച പ്രവാസി മലയാളികളുടെ വീടുകളില് സൗജന്യമായി എത്തിക്കുന്നതായിരിക്കും.
അതോടൊപ്പം തന്നെ വിദേശ രാജ്യങ്ങളില് മരണപ്പെടുകയും മൃതദേഹം നാട്ടിലെത്തിക്കാന് സഹായം ലഭിക്കാതെവരികയും ചെയ്യുന്ന സാഹചര്യങ്ങളില് നിരാലംബര്ക്ക് ആശ്വാസം നല്കുകയെന്ന ലക്ഷ്യത്തോടെയാണ് പദ്ധതി നടപ്പിലാക്കുന്നത്.
ഗള്ഫ് രാജ്യങ്ങളില് മരണമടയുന്ന പ്രവാസി മലയാളികളുടെ ബന്ധുക്കള്/സുഹൃത്തുക്കള് എന്നിവര്ക്ക് പദ്ധതിയിന് കീഴില് അപേക്ഷ സമര്പ്പിക്കാവുന്നതാണ്. അപേക്ഷ ഫാറവും വിശദവിവരങ്ങളും നോര്ക്ക റൂട്ട്സ് വെബ് സൈറ്റായ www.norkaroots.orgല് ലഭിക്കുമെന്ന് നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസര് അറിയിക്കുകയുണ്ടായി. കൂടുതല് വിവരങ്ങള് നോര്ക്ക റൂട്ട്സ് ടോള് ഫ്രീ നമ്പരായ 1800 425 3939, (ഇന്ത്യയില് നിന്നും) 00918802012345 (വിദേശത്ത് നിന്നും മിസ്ഡ് കാള് സേവനം ഈ നമ്പറിൽ നിന്നും ലഭ്യമാകും).
https://www.facebook.com/Malayalivartha
