മലയാളികൾ ഏവരും ലോകത്തിന്റെ ഏതൊരു ഭാഗത്താണെങ്കിലും സ്വന്തമായി ഓർ കയ്യൊപ്പ് ചാർത്താൻ മടിക്കാറില്ല എന്നതാണ്. അത്തരത്തിൽ ഒരു വാർത്തയാണ് ഇപ്പോൾ പ്രവാസലോകത്ത് നിന്നും പുറത്തേക്ക് വരുന്നത്. അവയവദാന പ്രചാരണ രംഗത്തെ ശ്രദ്ധേയ പ്രവർത്തനങ്ങൾക്കു മലയാളിക്കു ബ്രിട്ടീഷ് രാജ്ഞിയുടെ ബഹുമതി നേടിയിരിക്കുകയാണ്. കൂത്താട്ടുകുളം സ്വദേശി ഡോ. ഷിബു ചാക്കോയാണ് (43) മെംബർ ഓഫ് ബ്രിട്ടീഷ് എംപയർ (എംബിഇ) പദവി കരസ്ഥമാക്കി മലയാളികളുടെ അഭിമാനം വാനോളം ഉയർത്തിയിരിക്കുന്നത്. ബക്കിങ്ങാം കൊട്ടാരത്തിൽ നടന്ന ചടങ്ങിൽ ചാൾസ് രാജകുമാരൻ ഷിബു ചാക്കോയ്ക്ക് പുരസ്കാരം സമ്മാനിക്കുകയുണ്ടായി. രാജ്ഞിയുടെ ജന്മദിനവുമായി ബന്ധപ്പെട്ട് കഴിഞ്ഞ ജൂണിൽ ഷിബു ഉൾപ്പെടെയുള്ളവർക്കു പുരസ്കാരം പ്രഖ്യാപിച്ചിരുന്നതിനെ തുടർന്നാണ് വാർത്ത പുത്രത്തേക്ക് വന്നത്.

യുകെയിൽ അവയവദാനവുമായി ബന്ധപ്പെട്ടു നടത്തിയ പ്രചാരണ പ്രവർത്തനങ്ങളാണ് ഇദ്ദേഹത്തെ പുരസ്കാരത്തിന് അർഹനാക്കിയത് തന്നെ. മംഗലത്തുതാഴം കുറ്റിക്കാട്ടിൽ ചാക്കോ, സാറാമ്മ ദമ്പതികളുടെ ഏകമകനായ ഷിബു ബിഎസ്‌സി നഴ്സിങ് പഠനം പൂർത്തിയാക്കി 2002ലാണ് യുകെയിൽ ജോലിയിൽ പ്രവേശിച്ചിരുന്നത്. ബ്രിട്ടനിൽ ജോലിക്കൊപ്പം പഠനം തുടർന്ന ഷിബു ബിരുദാനന്തര ബിരുദവും പിഎച്ച്ഡിയും നേടിയിരുന്നു.ബ്രിട്ടീഷ് സർക്കാർ വകുപ്പായ 'എൻഎച്ച്എഫ് ബ്ലഡ് ട്രാൻസ്പ്ലാന്റ് യുകെ' യിൽ ഓർഗൻ ട്രാൻസ്പ്ലാന്റ് കോഓർഡിനേറ്ററായി പ്രവർത്തിക്കുകയാണ് ഇപ്പോൾ ഇദ്ദേഹം. ഈ രംഗത്തെ ശ്രദ്ധേയമായ പ്രവർത്തനങ്ങൾ കണക്കിലെടുത്തു ഡോണർ അംബാസഡർ പദവിയും ഷിബുവിന് ലഭിച്ചിട്ടുണ്ടായിരുന്നു. മരങ്ങാട്ടുപിള്ളി നിലക്കപ്പിള്ളിൽ കുടുംബാംഗമായ ഭാര്യ ഷിനോ യുകെയിൽ നഴ്സ് ആയാണ് ജോലി ചെയുന്നത്. ഒൻപതാം ക്ലാസിൽ പഠിക്കുന്ന ജോഷുവയും ജോയലുമാണു ഇവരുടെ മക്കൾ.

അതോടൊപ്പം തന്നെ ഒന്നാം ലോക മഹായുദ്ധത്തിലെ വീരന്മാരെ ആദരിക്കാൻ ജോർജ് അഞ്ചാമൻ രാജാവ് 1917ൽ ഏര്‍പ്പെടുത്തിയതാണു എംബിഇ എന്ന രാജബഹുമതി. 'മെംബർ ഓഫ് ദ മോസ്റ്റ് എക്സലന്റ് ഓർഡർ ഓഫ് ദി ബ്രിട്ടീഷ് എംപയർ' എന്നാണ് എംബിഇയുടെ പൂർണരൂപം എന്നത്. ജേതാക്കളെ കൊട്ടാരത്തിലേക്കു ക്ഷണിച്ചു വരുത്തി രാജ്ഞിയോ രാജകുമാരനോ ആണ് ബഹുമതി സമ്മാനിക്കുമെന്നാണ് ലഭ്യമാകുന്ന വിവരം. ആഭ്യന്തര മന്ത്രാലയം നിർദേശിക്കുന്ന പേരുകൾ പ്രധാനമന്ത്രിയുടെ ശുപാർശയോടെ രാജ്ഞിയുടെ അംഗീകാരത്തിനായി സമർപ്പിക്കുന്ന രീതിയാണു നിലവിലുള്ളത് തന്നെ.