ബീഫ് എന്നാൽ ഒട്ടുമിക്കവർക്കും ആഘോഷങ്ങളുടെ രുചിക്കൂട്ട് തന്നെയാണ്. അതോടൊപ്പം തന്നെ പ്രവാസ ലോകത്തും സമാനമായി രുചിക്കൂട്ടിന്റെ വർണഭേദങ്ങൾ കാട്ടിത്തരുന്നതായും കാണുവാൻ സാധിക്കും. ക്രിസ്മസ് ദിനത്തില്‍ ഇറച്ചി വിപണിയില്‍ വില്‍പനയില്‍ മുമ്പില്‍ എത്തിയത് ബീഫും മട്ടണും തന്നെയാണെന്നാണ് ലഭ്യമാകുന്ന വിവരം. ബീഫ് വിഭാഗത്തില്‍ ഇന്ത്യന്‍ ബീഫ് കഴിഞ്ഞാല്‍ പ്രാദേശിക ബീഫ് ആണ് കൂടുതല്‍ പേരും വാങ്ങിയതെന്നാണ് വില്‍പ്പനക്കാര്‍ പറയുന്നത്. ഇറച്ചി വിപണിയില്‍ ക്രിസ്മസ് ഓഫറുകള്‍ ധാരാളമുണ്ടായിരുന്നതിനാല്‍ വിപണി വിലയേക്കാള്‍ കുറഞ്ഞ വിലയില്‍ ബീഫും മട്ടണുമൊക്കെ വാങ്ങാനുള്ള അവസരമാണ് ഉപഭോക്താക്കള്‍ക്ക് ലഭിച്ചത് എന്നാണ് കണക്കുകൾ വ്യക്തമാകുന്നത്.

അതോടൊപ്പം തന്നെ ചില വിൽപന ശാലകളില്‍ ബീഫാണ് കൂടുതല്‍ വിറ്റുപോയതെങ്കില്‍ മറ്റ് ചിലയിടങ്ങളില്‍ മട്ടനായിരുന്നു ആവശ്യക്കാര്‍ കൂടുതല്‍ വാങ്ങിയിരുന്നത്. ഇറക്കുമതി ചെയ്ത ബീഫിന് കിലോയ്ക്ക് 20 റിയാലിന് മുകളിലായിരുന്നു വില നൽകിയിരുന്നത്. പ്രാദേശിക ബീഫിന് കിലോയ്ക്ക് 50 റിയാല്‍ വരെയായിരുന്നു വിപണി വില ഏർപ്പെടുത്തിയിരുന്നത്. മീന്‍ വിപണിയില്‍ കിങ് ഫിഷ് ആണ് കൂടുതലും വിറ്റുപോയത് തന്നെ. ഓഫറില്‍ ഏകദേശം 10-14 റിയാലായിരുന്നു വില കല്പിച്ചിരുന്നത്. ഏതാനും ആഴ്ചകളായി കിങ് ഫിഷിന്റെ വിലയില്‍ ഗണ്യമായ കുറവ് വന്നതും ക്രിസ്മസ് ആഘോഷിക്കുന്നവര്‍ക്ക് അനുഗ്രഹമായി മാറിയിരുന്നു. എല്ലാം മുൻനിർത്തി തികച്ചും വ്യത്യസ്തമായ ക്രിസ്മസ് ആയിരുന്നു പ്രവാസികൾക്ക് ആഘോഷിക്കേണ്ടി വന്നത് തന്നെ.