യുഎഇയിൽ മൂടൽമഞ്ഞ്; ഗതാഗതത്തെ സാരമായി ബാധിക്കുന്നതായി അധികൃതർ, ഒമാനിലെ മഴ തണുപ്പിന്റെ അക്കവും കൂട്ടുന്നു
യുഎഇയുടെ വിവിധ മേഖലകളിൽ ശക്തമായ മൂടൽമഞ്ഞ് അനുഭവപ്പെടുകയുണ്ടായി. അബുദാബി, ദുബായ്, ഷാർജ എന്നിവിടങ്ങളിലും വടക്കൻ എമിറേറ്റുകളിലെ ചില മേഖലകളിലും പുലർച്ചെയോടെ തുടങ്ങിയ മൂടൽമഞ്ഞ് രാവിലെ 9 വരെ തുടർന്നത് ഗതാഗതത്തെ സാരമായി ബാധിച്ചിരുന്നു. വാഹനമോടിക്കുന്നവർ ജാഗ്രത പാലിക്കണമെന്നു ദേശീയ കാലാവസ്ഥാ നിരീക്ഷണകേന്ദ്രം മുന്നറിയിപ്പു നൽകുകയുണ്ടായി. അതോടൊപ്പം തന്നെ തീരദേശമേഖലകളിൽ നല്ല കാറ്റുണ്ട്. ഇതേതുടർന്ന് രാജ്യത്തു പൊതുവെ തണുത്ത കാലാവസ്ഥയാണ്. ഒമാനിലെ വിവിധഭാഗങ്ങളിൽ ശക്തമായ മഴ തുടർന്നത് മഞ്ഞിന്റെ ആക്കം കൂട്ടുകയാണ് ഉണ്ടായത്.
അതേസമയം ശനി രാത്രിയിലും ഇന്നലെയും മഴപെയ്തു. ദോഫോർ, വുസ്ത ഗവർണറേറ്റുകളിലായിരുന്നു കൂടുതൽ ലഭ്യമായിരുന്നത്. മിർബാത്, താഖ, ദുഖം, അൽ ജാസിർ വിലായത്തുകളിൽ വിവിധ സമയങ്ങളിലായി പെയ്ത ശക്തമായ മഴയിൽ വാദികൾ കരകവിയുകയുണ്ടായി. താപനില 20 ഡിഗ്രി സെൽഷ്യസ് ആയി മാറി. മൂടിക്കെട്ടിയ അന്തരീക്ഷമാണ് നിലനിൽക്കുന്നത് തന്നെ. സയിഖ്, ഖസബ്, സുഹാർ, നിസ്വ, സലാല, മസീറ, ഇബ്ര എന്നിവിടങ്ങളിൽ ഇടിയോടെ മഴ പെയ്യുമെന്നാണ് കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ് ലഭ്യമായിരുന്നു. സായിഖിൽ താപനില 8 ഡിഗ്രി സെൽഷ്യസ് ആയി മാറുകയും ചെയ്തു.
https://www.facebook.com/Malayalivartha