ഗള്‍ഫ് മേഖല വീണ്ടും കൊറോണ ഭീതിയില്‍. മേഖലയില്‍ തൊണ്ണൂറു ശതമാനം ഒട്ടകങ്ങള്‍ക്കും കൊറോണ ബാധിച്ചതായി സൗദി ആരോഗ്യ മന്ത്രാലയം പ്രതിനിധി വെളിപ്പടുത്തി. മേഖലയിലുള്ള ഒട്ടകങ്ങളില്‍ തൊണ്ണൂറു ശതമാനവും കൊറോണ വൈറസ് ബാധയുള്ളവയാണെന്നാണ് ഏറ്റവും പുതിയ റിപ്പോര്ട്ട്.
മനുഷ്യരിലേക്ക് കൊറോണവൈറസ് പടരുന്നത് പ്രധാനമായും ഒട്ടകങ്ങള്‍ വഴിയാണ് എന്നാണ് നിഗമനം. ഒട്ടകത്തിന്റെ ഒരു മീറ്റര്‍ പരിധിക്കുള്ളില്‍ നിന്നാല്‍ തന്നെ രോഗം പടരാനുള്ള സാധ്യത ഉണ്ടെന്നു അദ്ദേഹം പറഞ്ഞു. ലക്ഷണങ്ങള്‍ ഒന്നും കാണിക്കാതെ തന്നെ ഒരാളില്‍ നിന്നും മറ്റൊരാളിലേക്ക് പടരാനും സാധ്യ ഏറെയാണ്.
അടിയന്തിരമായി ഫലപ്രദമായ പ്രതിരോധമാര്‍ഗങ്ങള്‍ കണ്ടെത്തേണ്ടതുണ്ടെന്നും മന്ത്രാലയം പ്രതിനിധി അബ്ദുള്ള അല്‍ അസീരി പറഞ്ഞു. ഒട്ടകങ്ങളെ പൂര്‍ണ്ണമായും കൊന്നൊടുക്കുന്നത് പ്രായോഗികമല്ല. ലഭ്യമായ പ്രതിരോധ മരുന്നുകള്‍ എത്രയും പെട്ടെന്ന് ഒട്ടകങ്ങളില്‍ കുത്തി വെക്കണമെന്ന് അദ്ദേഹം നിര്‍ദേശിച്ചു. സൗദിയിലെ അല്‍ അഹ്‌സാ പ്രവിശ്യയില്‍ അമ്പത് ശതമാനം ഒട്ടകങ്ങളിലും രോഗം കണ്ടെത്തി.
വൈറസ് ബാധയ്‌ക്കെതിരെ ജാഗ്രത പാലിക്കാന്‍ ആരോഗ്യ മന്ത്രാലയം നിര്‍ദേശിച്ചു. വൈറസ് ബാധ ഇട്ടതായി സംശയമുള്ളവര്‍ക്ക് മുന്‍ഗണന നല്‍കണമെന്നും ആരോഗ്യ കേന്ദ്രങ്ങള്‍ക്ക് മന്ത്രാലയം നിര്‍ദേശം നല്‍കി. എട്ട് മണിക്കൂറിനുള്ളില്‍ രോഗം കണ്ടെത്താനുള്ള മാര്‍ഗങ്ങള്‍ നിലവിലുണ്ട്. ചുമ, പണി, ശ്വാസ തടസം തുടങ്ങിയവയാണ് പ്രധാനപ്പെട്ട രോഗ ലക്ഷണങ്ങള്‍.
മൃഗങ്ങളുമായി പ്രത്യേകിച്ച് ഒട്ടകങ്ങളുമായി അടുത്തിടപഴകുന്നത് ഒഴിവാക്കണമെന്ന് ആരോഗ്യ മന്ത്രാലയം നിര്‍ദേശിച്ചു. ഇടപഴകേണ്ട സാഹചര്യം ഉണ്ടാകുമ്പോള്‍ മാസ്‌ക്കും ഗ്ലൌസും ധരിക്കണം. 2012 മുതല്‍ ഇതുവരെ 913പേര്‍ക്ക് സൗദിയില്‍ കൊറോണ ബാധിച്ചതായി കണ്ടെത്തി. ഇതില്‍ 389 പേര്‍ മരണപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha