കൊറോണ വൈറസ് ബാധിച്ച് സൗദിയില് ഒരു മലയാളി കൂടി മരണത്തിന് കീഴടങ്ങി; മലപ്പുറം ചേലേമ്പ്ര സ്വദേശി പ്രമോദ് മുണ്ടാണിയാണ് കോവിഡ് ബാധിച്ച് മരിച്ചത്
സൗദിയിൽ വീണ്ടും ഒരു കൊറോണ മരണം കൂടി റിപ്പോർട്ട് ചെയ്യുകയുണ്ടായി. കോവിഡ് ബാധിച്ച് ചികിത്സയിലായിരുന്ന ഒരു മലയാളി കൂടി സൗദിയിൽ മരിച്ചു. മലപ്പുറം ചേലേമ്പ്ര സ്വദേശി പ്രമോദ് മുണ്ടാണിയാണ് മരിച്ചത് എന്നാണ് ലഭ്യമാകുന്ന വിവരം. ഇദ്ദേഹത്തിന് 41 വയസായിരുന്നു. ജുബൈലിലെ ജനറല് ആശുപത്രിയില് ചികിത്സയിൽ ആയിരിക്കെയാണ് മരണം. കൊറോണ ബാധയെത്തുടർന്ന് കടുത്ത ശ്വാസതടസ്സത്തെ തുടര്ന്ന് തീവ്രപരിചരണ വിഭാഗത്തില് കഴിഞ്ഞുവരികെയായിരുന്നു.
അതേസമയം 24 മണിക്കൂറിനിടെ സൗദിയിലെ ജുബൈലില് കോവിഡിനെത്തുടര്ന്ന് മരിക്കുന്ന മൂന്നാമത്തെ മലയാളിയാണ് പ്രമോദ്. ജുബൈലിലെ സ്വകാര്യ കമ്പനിയില് മെക്കാനിക്കല് ടെക്നീഷ്യനായി ജോലി ചെയ്തു വരികയായിരുന്നു ഇദ്ദേഹം. ഇതോടെ സൗദിയില് കോവിഡിനെ തുടര്ന്ന് മരിക്കുന്ന മലയാളികളുടെ എണ്ണം 19 ആയി ഉയരുകയും ചെയ്തിരിക്കുകയാണ്. കോഴിക്കോട് ഫറോക്ക് മണ്ണൂര് സ്വദേശി അബ്ദുല് അസീസ്, കൊല്ലം കിളികൊല്ലൂര് സ്വദേശി സാം ഫെര്ണാണ്ടസ് എന്നിവരാണ് 24 മണിക്കൂറിനിടെ മരിച്ച മറ്റു രണ്ടു മലയാളികൾ.
https://www.facebook.com/Malayalivartha