സൗദിയിൽ ആഭ്യന്തര വിമാന സർവീസ് ഞായറാഴ്ച മുതൽ; കർശന നിർദ്ദേശങ്ങളുമായി സിവിൽ ഏവിയേഷൻ അതോറിറ്റി
സൗദിയിൽ ഞായറാഴ്ച മുതൽ ആഭ്യന്തര വിമാന സർവീസ് പുനരാരംഭിക്കാനിരിക്കെ യാത്രക്കാർക്കുള്ള മാർഗ നിർദേശങ്ങൾ സിവിൽ ഏവിയേഷൻ അതോറിറ്റി പുറത്തിറക്കിയിരിക്കുകയാണ്. യാത്രികർ വിട്ടിൽ നിന്ന് പുറപ്പെട്ട് ലക്ഷ്യസ്ഥാനത്തെത്തുന്നതു വരെ പാലിക്കേണ്ട ആരോഗ്യ മുൻകരുതൽ നടപടികളാണ് മാർഗ നിർദേശങ്ങളിൽ ഉൾക്കൊള്ളിച്ചിരിക്കുന്നത്. ഇതേതുടർന്ന് യാത്ര സുരക്ഷിതമാകാനും രോഗപകർച്ച തടയാനും വിമാനത്താവളത്തിലും വിമാനത്തിനകത്തും സിവിൽ ഏവിയേഷൻ അതോറിറ്റിയും ആരോഗ്യ വകുപ്പും നിശ്ചയിച്ച മുൻകരുതൽ നടപടികൾ മുഴുവൻ യാത്രക്കാരും കർശനമായി തന്നെ പാലിക്കണം എന്ന മുന്നറിയിപ്പും നൽകുകയുണ്ടായി.
അതോടൊപ്പം തന്നെ യാത്രക്കാർ വിമാനം പുറപ്പെടുന്നതിന് രണ്ട് മണിക്കൂർ മുമ്പ് ഹാജരാകണം, വിമാനത്താവളത്തിൽ വെച്ച് ശരീരോഷ്മാവ് പരിശോധനയ്ക്ക് വിധേയരാകണം, ഹാളിലേക്ക് പ്രവേശിക്കും മുമ്പ് കൈകൾ സ്റ്റെറിലൈസർ ഉപയോഗിച്ച് അണുമുക്തമാക്കണം, മാസ്ക് ധരിച്ചിരിക്കണം തുടങ്ങിയവ നൽകിയിട്ടുള്ള നിർദേശങ്ങളിൽ ഉൾപ്പെടുത്തിയിട്ടുണ്ട്. തുടർന്ന് മാസ്ക് ധരിക്കാത്തവരെ യാത്രയിൽ നിന്ന് തടയുകയും ചെയ്യുന്നതായിരിക്കും.
കൂടുത ശ്രദ്ധ യാത്രയിൽ പുലർത്തേണ്ടത് അനിവാര്യമാണ്. ആയതിനാൽ തന്നെ യാത്രയിലുടനീളം മാസ്കും കൈയ്യുറയും ധരിച്ചിരിക്കണം, കോവിഡ് ലക്ഷണങ്ങളുണ്ടെങ്കിൽ ബുക്കിങ് സമയത്ത് തുറന്നു പറയണം, വിമാനത്തിനകത്ത് ഒരു ലഗേജ് മാത്രമേ അനുവദിക്കൂ, ബോർഡിങ് സമയത്തും വിമാനത്തിന് അടുത്തേക്കും തിരിച്ചും ബസിൽ യാത്ര ചെയ്യുേമ്പാഴും വിമാനത്തിന് അകത്തേക്കും പുറത്തേക്കും എയർ ബ്രിഡ്ജിലൂടെ നടക്കുേമ്പാഴും യാത്രയുടെ മറ്റെല്ലാ ഘട്ടങ്ങളിലും സാമൂഹ്യ അകലം പാലിച്ചിരിക്കണമെന്നും നിബന്ധനയിൽ ഉൾപ്പെടുത്തിയിട്ടുണ്ട്.
https://www.facebook.com/Malayalivartha