30 വര്‍ഷത്തെ പ്രവാസ ജീവിതത്തിനൊടുവില്‍.... നെഞ്ചുവേദനയെ തുടര്‍ന്ന് റിയാദില്‍ 56കാരന്‍ മരിച്ചു. പാലക്കാട് ചെര്‍പ്പുളശ്ശേരി കാവുവട്ടം മലമേല്‍ത്തൊടി പരേതനായ കുന്നത്തുപറമ്പില്‍ മുഹമ്മദിന്റെ മകന്‍ യൂസുഫ് (56) ആണ് റിയാദില്‍ ഹൃദയസ്തംഭനം മൂലം മരിച്ചത്.
നെഞ്ചുവേദനയെ തുടര്‍ന്ന് റിയാദിലെ ആസ്റ്റര്‍ സനദ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.

30 വര്‍ഷമായി റിയാദിലുണ്ടായിരുന്ന ഇദ്ദേഹം ഒലയയിലെ ഒരു സ്ഥാപനത്തില്‍ പാചകക്കാരനായാണ് ജോലി ചെയ്തിരുന്നത്. മൂന്ന് വര്‍ഷം മുമ്പാണ് അവസാനമായി നാട്ടില്‍ പോയി വന്നത്. മാതാവ്: വല്ലപ്പുഴ ശങ്കരത്തൊടി ഖദീജ, ഭാര്യ: മുണ്ടക്കോട്ടുകുര്‍ശി പുളിക്കല്‍ മൈമൂന, മക്കള്‍: മുഹമ്മദ് ജാഫര്‍, ജംഷീറ, ജസീറ. മരുമക്കള്‍: കുളങ്ങര റജുല (നെല്ലായ), മച്ചുപറമ്പിന്‍ നൗഷാദ് (മുണ്ടക്കോട്ടുകുര്‍ശി), കാണിത്തൊടി ആഷിഖ് (മുളയങ്കാവ്). മൃതദേഹം നാട്ടിലേക്ക് കൊണ്ടുപോകുന്നതാണ്. അതിനായുള്ള നിയമനടപടികള്‍ പൂര്‍ത്തിയായി വരുന്നു.