ഒമാനിലെ നിയമമേഖലയിൽ പ്രവാസികൾക്ക് അനുകൂലമായ നിയമ മാറ്റവുമായി അധികൃതർ. ലീഗൽ കൺസൾട്ടന്റുമാരായി പ്രവർത്തിക്കാൻ പ്രവാസികൾക്ക് അനുമതി നൽകിക്കൊണ്ടുള്ള പുതിയ നിയമം ഏപ്രിൽ മൂന്ന് മുതൽ പ്രാബല്യത്തിൽ വരും. 2024ലെ 41ാം നമ്പർ രാജകീയ ഉത്തരവ് അനുസരിച്ചാണ് ഈ മാറ്റം.പുതിയ നിയമപ്രകാരം ‘അഭിഭാഷകർ’, ‘ലീഗൽ കൺസൾട്ടന്റുമാർ’ എന്നിങ്ങനെ രണ്ട് വ്യക്തമായ വിഭാഗങ്ങളുണ്ടാകും. വിദേശികൾക്ക് ലീഗൽ കൺസൾട്ടൻസി ഓഫിസുകളിൽ കൺസൾട്ടന്റുമാരായി ജോലി ചെയ്യാം. എന്നാൽ അവർക്ക് കോടതികളിൽ ഹാജരാകാനോ വാദിക്കാനോ അനുവാദമുണ്ടാകില്ല. കോടതികളിൽ വാദിക്കാനുള്ള അധികാരം ഒമാനി അഭിഭാഷകർക്ക് മാത്രമായിരിക്കും.

കുറഞ്ഞത് 15 വർഷത്തെ പ്രവൃത്തിപരിചയവും മൂന്നോ അതിലധികമോ രാജ്യങ്ങളിൽ ശാഖകളുമുള്ള വിദേശ നിയമ സ്ഥാപനങ്ങൾക്ക് ഒമാനിൽ കൺസൾട്ടൻസി ഓഫിസുകൾ തുടങ്ങാൻ അനുമതി നൽകും. നിലവിൽ വിദേശ പങ്കാളിത്തമുള്ള സിവിൽ ലോ ഫേമുകൾക്ക് മൂന്ന് വർഷം കൂടി പ്രവർത്തിക്കാം. എന്നാൽ ഈ കാലയളവിൽ വിദേശികൾക്ക് പുതിയ ഓഹരികൾ കൈമാറാൻ പാടില്ല.

ഒമാനിലെ വർധിച്ചുവരുന്ന വിദേശ നിക്ഷേപവും രാജ്യാന്തര കമ്പനികളുടെ സാന്നിധ്യവും പരിഗണിച്ചാണ് പ്രവാസി നിയമ വിദഗ്ധരുടെ സേവനം ഉറപ്പാക്കാൻ ഈ മാറ്റം കൊണ്ടുവരുന്നത്.

യുഎഇയിൽ ഓൺലൈൻ പഠനം തുടരുന്ന സാഹചര്യത്തിൽ സ്കൂൾ ബസ് ഫീസ് ഇനത്തിൽ ഈടാക്കിയ തുക തിരിച്ചു നൽകാൻ എസ്ടിഎസ് തീരുമാനിച്ചു.

ഭാഗ്യത്തിന്റെ സ്വർണ്ണപ്പതക്കം മൂന്ന് മലയാളികൾക്ക്; 56 കോടിയുടെ സമ്മാനം ‘ലോഡിങ്’, സർപ്രൈസ് കാത്ത് ലോകം

ഒട്ടേറെ സ്കൂൾ ഗ്രൂപ്പുകൾ ട്രാൻസ്പോർട്ട് ഫീസ് ഒഴിവാക്കാൻ തീരുമാനിച്ചതിനു പിന്നാലെയാണ് നടപടി. ഏപ്രിൽ മാസത്തെ ഫീസ് ഇതിനകം നൽകിയവർക്ക് അത് തിരികെ ലഭിക്കുകയോ അല്ലെങ്കിൽ അടുത്ത മാസത്തെ ഫീസിലേക്ക് വകയിരുത്തുകയോ ചെയ്യും. സാമ്പത്തിക പ്രതിസന്ധി നേരിടുന്ന പ്രവാസി കുടുംബങ്ങൾക്ക് തീരുമാനം വലിയ സഹായമാകും. സ്കൂളുകൾ നേരിട്ട് നടത്തുന്ന ബസ് സർവീസുകളിലും സമാന ഇളവ് അനുവദിക്കണമെന്ന് രക്ഷിതാക്കൾ ആവശ്യപ്പെട്ടു.

സ്കൂൾ ബസ് സൗകര്യം ഉപയോഗിക്കാത്ത കാലയളവിലെ ഫീസ് രക്ഷിതാക്കൾക്ക് തിരികെ നൽകാനാണ് തീരുമാനം. ഇതുസംബന്ധിച്ച നിർദേശം സ്കൂൾ അധികൃതർക്ക് കൈമാറി. വിദൂരപഠനം നീണ്ടുനിൽക്കുന്ന കാലയളവിലെ ബസ് ഫീസ് ഒഴിവാക്കാനാണ് ആലോചിക്കുന്നത്.

ദുബായ്, ഷാർജ ഉൾപ്പെടെ പ്രമുഖ സ്കൂൾ ഗ്രൂപ്പുകൾ ഈ തീരുമാനത്തോട് അനുകൂലമായാണ് പ്രതികരിച്ചത്. ബസ് ഫീസ് തുക തിരിച്ചുകിട്ടാൻ രക്ഷിതാക്കൾ സ്കൂൾ ട്രാൻസ്പോർട്ട് ഓഫിസുമായി ബന്ധപ്പെടണമെന്നും അധികൃതർ അറിയിച്ചു.