കുവൈറ്റില് കൊലപാതകം, മയക്കുമരുന്ന്, ബലാല്സംഗം എന്നീ കോസുകളില് 153 ഇന്ത്യക്കാര് ജയിലില്
കുവൈത്തില് കൊലപാതകം, മയക്ക് മരുന്നു, ബലാല്സംഗം തുടങ്ങിയ കേസുകളുമായി ബന്ധപ്പെട്ട് 153 ഇന്ത്യക്കാര് വിവിധ ജയിലുകളില് കിടക്കുന്നതായി ആഭ്യന്തര മന്ത്രാലയത്തിന്റെ കണക്കുകള് വ്യക്തമാക്കുന്നു. ഇതില് ഒരു മലയാളി അടക്കം അഞ്ച് പേര്ക്ക് വധശിക്ഷയാണ് വിധിച്ചിരിക്കുന്നത്. 2014 ജനുവരി വരെയുള്ള കണക്ക് പ്രകാരമാണിത്. കുവൈത്തിലെ രണ്ടു സെന്റ്രല് ജയിലുകളിലായി ക്രിമിനല് കേസുകളില് ശിക്ഷിക്കപ്പെട്ട് കഴിയുന്ന ഇന്ത്യക്കാരില് 95 പേര് മയക്കു മരുന്നുമായി ബന്ധപ്പെട്ട കുറ്റകൃത്യങ്ങളിലും 13 പേര് കൊലപാതക കേസുകളിലും 10 പേര് ബലാല്സംഗ കേസുകളിലുമാണു ശിക്ഷിക്കപ്പെട്ടത്. കൊലപാതക കേസുകളില് ശിക്ഷിക്കപ്പെട്ട 13 പേരില് അഞ്ചു പേര് വധ ശിക്ഷ കാത്ത് കഴിയുന്നവരാണ്. കോഴിക്കോട് തുറയൂര് ചരിച്ചില് പള്ളി സ്വദേശി അഷ്റഫ് പള്ളിക്കല്താഴെ യാണു വധ ശിക്ഷക്ക് വിധിക്കപ്പെട്ട ഏക മലയാളി.കോഴിക്കോട് എലത്തൂര് തെക്കശ്ശേരി സ്വദേശി ഷൗകത്ത് ആണു കൊലപാതക കേസില് ജീവ പര്യന്തം തടവ് ശിക്ഷ അനുഭവിക്കുന്ന മറ്റൊരു മലയാളി. ഇയാള്ക്ക് നേരത്തെ വധ ശിക്ഷ വിധിച്ചിരുന്നുവെങ്കിലും കൊല്ലപ്പെട്ട സ്ത്രീയുടെ ബന്ധുക്കള് മാപ്പ് നല്കിയതിനെ തുടര്ന്ന് വധ ശിക്ഷ ജീവ പര്യന്തമാക്കി കുറക്കുകയായിരുന്നു. അഞ്ചേനയാലു ജിന്കാല, സുരേഷ് ഷണ്മുഖ സുന്ദരം, ഷെയ്ഖ് ഷാഫി ഷെയ്ഖ് ചെല്ലപ്പന് കാളിദാസ് ചെല്ലപ്പന് എന്നിരാണ് വധശിക്ഷയ്ക്ക് വിധിക്കെപ്പട്ട മറ്റ് ഇന്ത്യക്കാര്. ഇവെരല്ലാം കൊലപാതകമടക്കമുള്ള കുറ്റകൃത്യങ്ങള്ക്കാണ് കുവൈത്ത് കോടതി ശിക്ഷിച്ചിരിക്കുന്നത്. ഇതില് സുേരഷ് ഷണ്മുഖ സുന്ദരം, ചെല്ലപ്പന് കാളിദാസ് ചെല്ലപ്പന് എന്നിവര് ഒരു കേസിലാണ് ശിക്ഷ വിധിക്കപ്പെട്ട് കുവൈത്ത് ജയിലില് കഴിയുന്നത്
https://www.facebook.com/Malayalivartha