ബഹ്റൈനില് ഇറങ്ങുന്ന ട്രാന്സിറ്റ് വിമാന യാത്രക്കാര്ക്ക് ഹ്രസ്വകാല താമസ വിസ അനുവദിക്കും
മനാമ: ബഹ്റൈനില് ഇറങ്ങുന്ന ട്രാന്സിറ്റ് വിമാന യാത്രക്കാര്ക്ക് ഹ്രസ്വകാല താമസ വിസ അനുവദിക്കും. ബഹ്റൈന് അന്താരാഷ്ട്ര വിമാനത്താവളത്തില്നിന്ന് കണക്ഷന് വിമാനത്തില് പോകുന്നവര്ക്കാണ് 72 മണിക്കൂര് കാലാവധിയുള്ള താമസവിസ ലഭ്യമാക്കുക. കൂടുതല് വിനോദ സഞ്ചാരികളെ രാജ്യത്തേക്ക് ആകര്ഷിക്കുക എന്ന ലക്ഷ്യത്തോടെയാണ് നടപടി. ഇൗ വര്ഷം തന്നെ വിസ അനുവദിച്ച് തുടങ്ങും.
താല്ക്കാലിക വിസ ലഭ്യമാക്കുന്നത് സംബന്ധിച്ച് പൗരത്വ-പാസ്പോര്ട്ട്^താമസ കാര്യ വകുപ്പുകളുമായി ബഹ്റൈന് വിനോദസഞ്ചാര^പ്രദര്ശന അതോറിറ്റി (ബി.ടി.ഇ.എ) ഇതിനകം ചര്ച്ച നടത്തിയിട്ടുണ്ട്. മൂന്ന് ദിവസ കാലാവധിയുള്ള വിസ ഏര്പ്പെടുത്തി ട്രാന്സിറ്റ് യാത്രക്കാര് ഉള്പ്പെടെയുള്ള വിനോദ സഞ്ചാരികളെ ആകര്ഷിക്കാനുള്ള നടപടികളാണ് സ്വീകരിക്കുന്നതെന്ന് ബി.ടി.ഇ.എ ചീഫ് എക്സിക്യൂട്ടീവ് ശൈഖ് ഖാലിദ് ബിന് ഹുമൂദ് ആല് ഖലീഫ പറഞ്ഞു. യാത്രക്കാര്ക്ക് മൂന്ന് ദിവസം ബഹ്റൈനില് തങ്ങുന്നതിനുള്ള ഏറ്റവും മികച്ച മാര്ഗം ഉറപ്പ് വരുത്തുന്നത് സംബന്ധിച്ച വിശദാംശങ്ങള് ചര്ച്ചചെയ്ത് വരികയാണെന്നും അദ്ദേഹം കൂട്ടിച്ചേര്ത്തു. 67 രാജ്യങ്ങളിലെ പൗരന്മാര്ക്ക് ബഹ്റൈന് ഒാണ് അറൈവല് വിസ അനുവദിക്കുന്നുണ്ട്. 114 രാജ്യങ്ങളിലെ ജനങ്ങള്ക്ക് ഒാണ്ലൈന് വഴി വിസക്ക് അപേക്ഷിക്കാനുള്ള സൗകര്യവുമുണ്ട്.
https://www.facebook.com/Malayalivartha
