ഐ .എം.സി.സി ജി.സി.സി കമ്മിറ്റി പുനഃസംഘടന : സത്താര് കുന്നില് ചെയര്മാന്
കുവൈത്ത് സിറ്റി: ഇന്ത്യന് നാഷനല് ലീഗിെന്റ ഗള്ഫിലെ പോഷകഘടകമായ (ഐ.എം.സി.സി ജി.സി.സി കമ്മിറ്റി പുനഃസംഘടിപ്പിച്ചു. കുവൈത്തില്നിന്നുള്ള സത്താര് കുന്നില് ചെയര്മാനായി തെരഞ്ഞെടുക്കപ്പെട്ടു. ഖാന് പാറയില് (യു.എ.ഇ) ആണ് ജനറല് കണ്വീനര്. സൗദി അറേബ്യയില്നിന്നുള്ള ശാഹുല് ഹമീദ് മംഗലാപുരം ട്രഷറര് ആയും തെരഞ്ഞെടുക്കപ്പെട്ടു.
ടി.എസ്. ഗഫൂര് ഹാജി (യു.എ.ഇ), അബ്ദുല് അസീസ് പൊന്നാനി (ഒമാന്) എന്നിവര് വൈസ് ചെയര്മാന്മാരും പുളിക്കല് മൊയ്തീന്കുട്ടി (ബഹ്റൈന്), റഫീഖ് അഴിയൂര് (ഖത്തര്), എന്നിവര് ജോയന്റ് കണ്വീനര്മാരും ആയി തെരഞ്ഞെടുക്കപ്പെട്ടു. കുഞ്ഞാവുട്ടി കാദര്, ഷൗക്കത്ത് പൂച്ചക്കാട്, താഹിര് കോമ്മോത്ത് (യു.എ.ഇ), ഹനീഫ് അറബി, കെ.പി. അബൂബക്കര് (സൗദി), ശരീഫ് താമരശ്ശേരി (കുവൈത്ത്), ഹാരിസ് വടകര (ഒമാന്), ഇല്യാസ് മട്ടന്നൂര്, സുബൈര് ചെറുമോത്ത് (ഖത്തര്), ജലീല് ഹാജി (ബഹ്റൈന്) എന്നിവര് പ്രവര്ത്തക സമിതി അംഗങ്ങളാണ്. ഐ.എന്.എല് അഖിലേന്ത്യ പ്രസിഡന്റ് പ്രഫ. മുഹമ്മദ് സുലൈമാനാണ് ഭാരവാഹികളെ പ്രഖ്യാപിച്ചത്.
ജി.സി.സിയിലെ ആറു രാജ്യങ്ങളിലായി പ്രവര്ത്തിച്ചുവരുന്ന സംഘടന കഴിഞ്ഞവര്ഷം മുതലാണ് ഒരു കുടക്കീഴില് പ്രവര്ത്തിക്കാന് തുടങ്ങിയത്. രണ്ടു വര്ഷമാണ് കമ്മിറ്റിയുടെ പ്രവര്ത്തന കാലാവധി. ഇന്ത്യയിലെ ഫാഷിസ്റ്റ് ഭീകരതക്കെതിരെ ഒറ്റക്കെട്ടായി പ്രതിഷേധിക്കാനും നിലവില് സംഘടന നടത്തിവരുന്ന ജീവകാരുണ്യ, സാംസ്കാരിക, കലാകായിക മേഖലകളില് വിവിധപേരുകളില് നടത്തിവരുന്ന പ്രവര്ത്തനങ്ങള്ക്ക് ഏകമുഖം നല്കുമെന്നും പ്രവര്ത്തകര്ക്കായി സാമൂഹിക സുരക്ഷാ പദ്ധതികള് നടപ്പാക്കുമെന്നും പുതിയ ഭാരവാഹികള് അറിയിച്ചു.
https://www.facebook.com/Malayalivartha