സാമ്പത്തിക പരാധീനതയ്ക്കിടെ ഭാഗ്യദേവതയുടെ കനിവ് ; അബുദാബിയില് ഇന്ത്യക്കാരന് അഞ്ചു മില്യണ് ദര്ഹത്തിന്റെ ജാക്പോട്ട്
ദുബായ്: അബുദാബിയില് മെഗാ റാഫിള് നറുക്കെടുപ്പില് ഇന്ത്യക്കാരന് ജാക്പോട്ട് അടിച്ചു. അഞ്ചു മില്യണ് ദിര്ഹത്തിനാണ് (ഏകദേശം 1.3 മില്യണ് ഡോളര്) കൃഷ്ണം രാജു എന്ന ഇന്ത്യക്കാരന് അര്ഹനായത്. കണ്സ്ട്രക് ഷന് കമ്പനിയില് ജോലി ചെയ്യുന്ന രാജു സാമ്പത്തിക ബുദ്ധിമുട്ടുകളിലൂടെ കടന്നു പോകുന്ന അവസരത്തിലാണ് ഭാഗ്യദേവത ജാക്പോട്ടിന്റെ രൂപത്തില് എത്തിയത്.
റാസല്ഖൈമയില് ജോലി ചെയ്യുന്ന രാജു മൂന്നു വര്ഷമായി റാഫിള് ടിക്കറ്റ് വാങ്ങാറുണ്ട്. നേരത്തെ കൂട്ടുകാര്ക്കൊപ്പമാണ് ടിക്കറ്റ് വാങ്ങിയിരുന്നതെങ്കില് ഇത്തവണ ഒറ്റയ്ക്ക് ടിക്കറ്റ് വാങ്ങുകയായിരുന്നു.
ഒരു ടിക്കറ്റിന് 500 ദിര്ഹമാണ് വില. ഓരോ മാസവും ടിക്കറ്റ് വാങ്ങുന്നതിനു വേണ്ടി നിശ്ചിത തുക രാജു മാറ്റിവച്ചിരുന്നു. റാഫിള് സംഘാടകര് വിജയിയാണെന്നു പറഞ്ഞ് ഫോണ് ചെയ്തപ്പോള് തനിക്ക് വിശ്വസിക്കുവാന് കഴിഞ്ഞില്ലെന്ന് രാജു പറഞ്ഞു. 2008 ല് ഗള്ഫിലെത്തിയ രാജുവിന് പ്രതിമാസം പതിനായിരം ദിര്ഹത്തില് താഴെയാണ് ശമ്പളം.
https://www.facebook.com/Malayalivartha