എമിറേറ്റ്സ് വിമാനം സൗജന്യമായി ടിക്കറ്റ് നല്കുന്നില്ലെന്ന് മുന്നറിയിപ്പ്
എമിറേറ്റ്സ് എയര്ലൈന്സ് സൗജന്യമായി ടിക്കറ്റുകള് നല്കുന്നുവെന്ന രീതിയില് ചില വെബ്സൈറ്റുകളില് വരുന്ന കാര്യങ്ങള് ശരിയല്ലെന്നും അത്തരം തട്ടിപ്പുകളില് വഞ്ചിതരാവരുതെന്നും എയര്ലൈന്സ് അധികൃതര്. ഒരു ഹ്രസ്വ സര്വേയില് പങ്കെടുക്കുന്നവര്ക്ക് രണ്ട് വിമാന ടിക്കറ്റുകള് സൗജന്യമായി ലഭിക്കുമെന്ന രീതിയിലാണ് പ്രചാരണം.
winfreetickets.co എന്ന വെബ്സൈറ്റാണ് ഇങ്ങനെ ഒരു വ്യാജ സര്വേയുമായി രംഗത്തെത്തിയിരിക്കുന്നത്. സര്വേയിലെ ഏതാനും ചോദ്യങ്ങള്ക്ക് മറുപടി പറഞ്ഞാല് എമിറേറ്റ്സ് വിമാനത്തില് രണ്ട് സൗജന്യ ടിക്കറ്റുകള് ലഭിക്കുമെന്ന് വെബ്സൈറ്റ് പറയുന്നു.
സര്വേയില് പങ്കെടുക്കുന്നവര്ക്ക് സൗജന്യ ടിക്കറ്റ് വാഗ്ദാനം ചെയ്യുന്ന ഇത്തരമൊരു തട്ടിപ്പ് വെബ്സൈറ്റിനെ കുറിച്ച് എമിറേറ്റ്സിന് വിവരം ലഭിച്ചിട്ടുണ്ടെന്ന് എമിറേറ്റ്സ് വക്താവ് പറഞ്ഞു. ഇതുമായി ബന്ധപ്പെട്ട ലിങ്കില് ക്ലിക്ക് ചെയ്യുകയോ അവ സാമൂഹിക മാധ്യമങ്ങളിലേക്ക് ഫോര്വേഡ് ചെയ്യുകയോ അരുതെന്ന് അദ്ദേഹം ഉപഭോക്താക്കളെ ഉപദേശിച്ചു. വെബ്സൈറ്റിന്റെ ഉറവിടത്തെക്കുറിച്ച് അന്വേഷണം നടത്തിവരികയാണെന്നും കുറ്റക്കാര്ക്കെതിരേ നിയമ നടപടി സ്വീകരിക്കുമെന്നും പ്രസ്താവനയില് വ്യക്തമാക്കി.
https://www.facebook.com/Malayalivartha
