മലയാളിയെ തൂങ്ങിമരിച്ച നിലയിൽ കണ്ടെത്തി. ബത്​ഹക്ക്​ സമീപം ഗുബേരയിൽ ബഖാലയിൽ ജീവനക്കാരനായ തൃശൂർ, ചാവക്കാട്​, പൂക്കുളം റോഡ്​ സ്വദേശി പറപ്പറമ്പിൽ വലിയകത്ത്​ ബഷീറിനെയാണ്​ (48) കഴിഞ്ഞ ദിവസം കടയുടെ ഉള്ളിൽ തൂങ്ങിമരിച്ച നിലയിൽ കണ്ടത്​. ഉച്ചക്ക്​ കട പതിവില്ലാത്ത വിധം ഏറെനേരം അടഞ്ഞുകിടക്കുന്നത്​ ശ്രദ്ധയിൽപെട്ട സമീപത്തുള്ള കടയിലെ ജീവനക്കാരൻ ബഷീറി​ന്റെ റിയാദിലുള്ള ബന്ധുവിനെ വിവരം അറിയിച്ചു. ബന്ധുവും സ്​പോൺസറും പൊലീസിനെ വിവരം അറിയിക്കുകയും കടയിലെത്തി തുറന്നുനോക്കുകയും ചെയ്​തപ്പോഴാണ്​ മൃതദേഹം കണ്ടത്​.

ആത്മഹത്യയുടെ കാരണം അറിവായിട്ടില്ല. മൃതദേഹം ശുമൈസി ആശുപത്രി മോർച്ചറിയിൽ സൂക്ഷിച്ചിരിക്കുന്നു. റിയാദിൽ ഖബറടക്കാനുള്ള ശ്രമം നടക്കുന്നു.