ബെല്ലാരറ്റില്‍ ഒ.ഐ.സി.സി. കമ്മിറ്റി നിലവില്‍ വന്നു
ഒ.ഐ.സി.സി. ഓസ്‌ട്രേലിയയുടെ പ്രവര്‍ത്തനം ഓസ്‌ട്രേലിയയിലെ ഗ്രാമപ്രദേശങ്ങളിലേക്ക് വ്യാപിപ്പിക്കുന്നതിന്റെ ഭാഗമായി പുരാതന നഗരമായ ബെല്ലാരറ്റില്‍ ഒ.ഐ.സി.സി. കമ്മിറ്റി നിലവില്‍ വന്നു.
ഒ.ഐ.സി.സി. അഡ്‌ഹോക്ക് കമ്മിറ്റി ചെയര്‍മാന്‍ സി.പി.സാജുവിന്റെ അധ്യക്ഷതയില്‍ കൂടിയ യോഗത്തില്‍ ബെല്ലാരറ്റ് റീജിയണല്‍ പ്രസിഡന്റായി ജോണ്‍ കയിര്‍ത്താന്‍ മൂട്ടിലിനെ ഐക്യകണ്‌ഠേന തിരഞ്ഞെടുത്തു. ജോര്‍ജ് വര്‍ഗീസ്, ടോണി നോബിള്‍ എന്നിവര്‍ വൈ.പ്രസിഡന്റുമാരും ജോബി അലക്‌സ്, ജൂബി സക്കറിയാസ് എന്നിവര്‍ സെക്രട്ടറിമാരും ഡാനിഷ് ജോബ് ട്രഷററായും മാര്‍ട്ടിന്‍ ഉറുമീസ്, ജെറിന്‍ മോഹന്‍ എന്നിവര്‍ സെന്‍ട്രല്‍ കമ്മിറ്റി അംഗങ്ങളായും ജിറ്റി മാത്തച്ചന്‍, സിനോജ് മാത്യു, ബിജു ജെയിംസ് എന്നിവരെ എക്‌സിക്യൂട്ടീവ് കമ്മിറ്റിയിലേക്കും തിരഞ്ഞെടുത്തു.
മാര്‍ട്ടിന്‍ ഉറുമീസ് സ്വാഗതം ആശംസിച്ച യോഗത്തില്‍ ഗ്ലോബല്‍ കമ്മിറ്റി അംഗം ബിജു സ്‌കറിയ, ഒ.ഐ.സി.സി.നാഷണല്‍ കമ്മിറ്റി അംഗം സോബന്‍ തോമസ് എന്നിവര്‍ സംസാരിച്ചു. വരും ദിവസങ്ങളില്‍ ഓസ്‌ട്രേലിയയുടെ വിവിധ ഭാഗങ്ങളില്‍ റീജിയണല്‍ കമ്മിറ്റികള്‍ നിലവില്‍ വരുമെന്ന് ഒ.ഐ.സി.സി. ദേശീയ കണ്‍വീനര്‍ ബൈജു ഇലഞ്ഞിക്കുടി അറിയിച്ചു.
https://www.facebook.com/Malayalivartha
