പുതിയ ഭാരവാഹികളുമായി പ്രവാസി മലയാളി ഫെഡറേഷൻ സൗദി നാഷണൽ കമ്മിറ്റി. ഇന്ന് റിയാദിൽ ചേർന്ന നാഷണൽ മീറ്റിൽ വച്ചായിരുന്നു പുതിയ ഭാരവാഹികളെ തെരഞ്ഞെടുത്തത്. പ്രസിഡന്റായി തെരഞ്ഞെടുക്കപ്പെട്ടതിരിക്കുന്നത് ശ്രീ ഡോക്ടർ അബ്ദുൽ നാസറിനെയാണ്. അദ്ദേഹം ഇപ്പോൾ നാഷണൽ പ്രസിഡന്റ് ആണ്. മുൻ സെക്രട്ടറിയായിരുന്ന ശ്രീ. ഷിബു ഉസ്മാനെ ജനറൽ സെക്രട്ടറിയായി തെരഞ്ഞെടുത്തു. ശ്രീ.സുരേഷ് ശങ്കറിനെ നാഷണൽ കോർഡിനേറ്ററായി ചുമതലയേറ്റു. നാഷണൽചാരിറ്റി കൺവീനറായി ശ്രീ.സ്റ്റീഫൻ കോട്ടയത്തെ തെരഞ്ഞെടുക്കുകയുണ്ടായി. നാഷണൽ ട്രഷറായി ശ്രീ.ജോൺസൺ തെരഞ്ഞെടുക്കപ്പെട്ടു. വൈസ് പ്രസിഡന്റ് ശ്രീ.സന്തോഷ് ഖുവയ്യ തിരഞ്ഞെടുക്കപ്പെടുകയുണ്ടായി.

നിലവിൽ സെക്രട്ടറിയായിരുന്ന ശ്രീ.ബിജു ദേവസ്യ അതേ സ്ഥാനത്ത് സെക്രട്ടറിയായി തുടരും. പ്രതിനിധി സമ്മേളനം ഉത്ഘാടനം ചെയ്തത് ഗ്ലോബൽ ട്രഷറർ ശ്രീ.നൗഫൽ മടത്തറയാണ് . പ്രതിനിധി സമ്മേളനത്തിൽ 2018 - 19 കാലയളവിലെ സംഘടനയുടെ പ്രവർത്തനം വിലയിരുത്തിയ ശേഷം കണക്കുകൾ അവതരിപ്പിക്കുകയുണ്ടായി. ഗ്ലോബൽ കോർഡിനേറ്റർ ജോസ് മാത്യു പനച്ചിക്കൽ പുതിയ സൗദി ഭാരവാഹികൾക്ക് അഭിനന്ദനം അറിയിച്ചു.