കാല്നട യാത്രക്കാര്ക്ക് മുന്നറിയിപ്പുമായി മുന്നറിയിപ്പുമായി ഷാര്ജ പോലീസ്
നിയമം ലംഘിച്ച് റോഡ് മുറിച്ച് കടക്കുന്നത് തടയാന് മുന്നറിയിപ്പ് വീഡിയോയുമായി ഷാര്ജ പോലീസ്. അനധികൃതമായി റോഡ് മുറിച്ച കടക്കുന്നത് പിടിക്കപ്പെട്ടാല് 400ദിര്ഹമാണ് പിഴയായി ഈടാക്കുക. ഇത് ഒഴിവാക്കാന് കാല്നട യാത്രക്കാര് ട്രാഫിക് നിയമങ്ങള് കൃത്യമായി പാലിക്കണം. സുരക്ഷയ്ക്കായി അനുവദിച്ചിട്ടുള്ള സ്ഥലങ്ങളില് മാത്രം റോഡ് മുറിച്ച് കടക്കുക. അല്ലാത്ത സ്ഥലങ്ങളിലൂടെ റോഡ് മുറിച്ച് കടന്നാല് അപകടങ്ങള് സംഭവിക്കുന്നു. സോഷ്യല് മീഡിയയിലൂടെ വ്യാഴാഴ്ചയാണ് ഇത് സംബന്ധിച്ച വിഡിയോ പുറത്തു വിട്ടത്. അനധികൃതമായി റോഡ് മുറിച്ചു കടക്കുന്നവരുടെ സിസിടിവി ദൃശ്യങ്ങളും, ഇതിനെതിരെ പോലീസ് ഉദ്യോഗസ്ഥന് മുന്നറിയിപ്പ് നല്കുന്നതും വിഡിയോയില് കാണാന് സാധിക്കും.നിയമം ലംഘിച്ച് റോഡ് മുറിച്ച് കടക്കുന്നത് മരണത്തിനും, ഗുരുതരമായ പരിക്കിനും കാരണമായി തീരുന്നു. അതിനാല് കാല്നട പാലങ്ങളും സബ്വേകളും കാല്നട യാത്രക്കാര് ഉപയോഗിക്കണമെന്നും അധികൃതര് ആവശ്യപ്പെട്ടു.
https://www.facebook.com/Malayalivartha
