കുവൈറ്റ് നഗരങ്ങളിൽ ആ കാഴ്ച്ച കണ്ടവർ ഞെട്ടിത്തരിച്ചു! ജനങ്ങൾക്കിടയിൽ ഭീതി പടർത്തി 'ജോക്കർ'; ഒടുവിൽ സംഭവിച്ചത്
പ്രേഷകരുടെ മനസ്സിനെ കീഴടക്കിയ ഒരു സിനിമയാണ് ടോഡ് ഫിലിപ്പ്സ് സംവിധാനം ചെയ്ത 'ജോക്കര്'. വാക്വിന് ഫീനിക്സ് നായകനായി അഭിനയിച്ച ഈ ചിത്രത്തിലെ ജോക്കർ എന്ന കഥാപാത്രം വലിയ സ്വാധീ നമാണ് എല്ലാവരിലും ഉണ്ടാക്കിയത്. എന്നാൽ സ്ക്രീനിലെ ജോക്കറിനെ കുവൈറ്റ് സിറ്റിയില് കണ്ടതോടെ ജനങ്ങൾ പരിഭ്രാന്തിയിലായി..വാർത്തയിലേക്ക്
വാക്വിന് ഫീനിക്സ് നായകനായി എത്തി ടോഡ് ഫിലിപ്പ്സ് സംവിധാനം ചെയ്ത 'ജോക്കര്' സിനിമാ പ്രേക്ഷകര് ഏറ്റെടുത്തിരുന്നു. അതോടെ 'ജോക്കര് ഭ്രാന്ത്' വീണ്ടും ആള്ക്കാരെ പിടികൂടി കഴിഞ്ഞിരുന്നു. ജോക്കർ ഭ്രാന്ത് കയറിയ ഒരു വിരുതൻ ജോക്കറിന്റെ വേഷത്തില് കുവൈറ്റ് സിറ്റിയില് കറങ്ങി നടക്കാൻ തുടങ്ങി. ഇത് കണ്ടവർ ഭയപ്പെട്ടു. ഒരുപാട് ദിവസങ്ങളിലായി സിറ്റിയുടെ പല ഭാഗത്തും ആള്ക്കാര് ഇയാളെ കണ്ടിരുന്നു. വൈകുന്നേരങ്ങളിലായിരുന്നു ജോക്കര് വേഷത്തില് ഇയാള് പ്രത്യക്ഷപ്പെടുക. സോഷ്യല് മീഡിയകളിൽ അടക്കം ഇയാളുടെ വീഡിയോയും ഫോട്ടോകളും വ്യാപകമായി പ്രചരിച്ചു. തുടര്ച്ചയായി ഇയാള് ഇങ്ങനെ പ്രത്യക്ഷപ്പെടുന്നത് കണ്ട് ആൾക്കാർക്ക് സംശയം തോന്നി.ഉടൻ തന്നെ ചിലര് കുവൈറ്റ് പൊലീസില് പരാതി നല്കുകയും ചെയ്തു. പരാതി ലഭിച്ചതോടെ ഇയാളെ അന്വേഷിച്ച് പൊലീസ് ഇറങ്ങി. മാത്രമല്ല ഉടൻ തന്നെ പിടികൂടുകയും ചെയ്തു. ഇതിന് പിന്നാലെ ഇയാളെ ചോദ്യം ചെയ്തു.
എന്നാല് ചോദ്യം ചെയ്യലില് നിന്നും ഇയാള്ക്ക് ദുരുദ്ദേശമൊന്നും ഇല്ലെന്ന് കണ്ടെത്തി. വെറും തമാശയ്ക്ക് വേണ്ടിയാണ് ഈ വേഷം കെട്ടിയതെന്നും പൊലീസിന് ബോധ്യപ്പെട്ടു. ഇത് മനസിലായതോടെ ദുരുഹതകൾ നീങ്ങി. ഇയാളെ പോലീസ് വെറുതെ വിടുകയും ചെയ്തു. ജോക്കര് ചിത്രം ഇറങ്ങിയത് മുതല് അത് ഹിംസയെ പ്രോത്സാഹിപ്പിക്കുന്നു എന്ന വിലയിരുത്തൽ ഉണ്ടായിരുന്നു. അതിനാല് തന്നെ ഇത്തരത്തില് 'തമാശകള്' കാട്ടുന്നവരെ ജനം സംശയത്തോടെയും പേടിയോടെയുമാണ് കാണുന്നത്. ഏതായാലും ഇപ്പോഴത്തെ ജോക്കറിന് തെറ്റായ ഉദ്ദേശം ഒന്നുമില്ലെന്ന് മനസിലായി കഴിഞ്ഞു. അതോടെ വലിയ ആശ്വാസത്തിൽ കുവൈറ്റ് ജനതയും.
https://www.facebook.com/Malayalivartha