കോവിഡ് 19 ബാധയെ തുടര്‍ന്ന് വിവിധ രാജ്യങ്ങളില്‍ പെട്ട്‌പോയ ഒമാനിലെ സ്ഥിര താമസ വിസയുള്ളവര്‍ക്ക് രാജ്യത്തേക്ക് മടങ്ങി വരാമെന്ന് ഒമാന്‍. ഗതാഗത വകുപ്പ് മന്ത്രി ഡോ. അഹമ്മദ് മുഹമ്മദ് അല്‍ ഫുത്തേസിയാണ് ഇക്കാര്യം അറിയിച്ചത്. ഒമാന്‍ സുപ്രീം കമ്മിറ്റിയുടെ പതിമൂന്നാമത് വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം. ഒമാന്‍ വിദേശകാര്യ മന്ത്രാലയത്തില്‍ നിന്ന് അനുമതി വാങ്ങിയ ശേഷം വിമാന കമ്ബനികളുമായി ബന്ധപെട്ട് ഒമാനിലേക്ക് മടങ്ങാന്‍ സാധിക്കുമെന്നാണ് മന്ത്രി അറിയിച്ചത്. അതേസമയം മടങ്ങിയെത്തുന്നവര്‍ക്ക് 14 ദിവസത്തേക്ക് ക്വാറന്റൈന്‍ നിര്‍ബന്ധമാണ്.