പ്രവാസികൾ ആഗ്രഹിച്ചത് സൗദി അറിഞ്ഞു തന്നു...! സന്ദര്ശക വിസ വിപുലീകരിച്ച് സൗദിയുടെ പുതിയ നീക്കം
പ്രവാസികൾ ആഗ്രഹിച്ചത് സൗദി അറിഞ്ഞു തന്നെ പോലെയാണ് പുതിയ തീരുമാനം. ഇനി കുടുംബാംഗങ്ങളെ കൂടി സൗദിയിലേക്ക് ധൈര്യമായി ക്ഷണിക്കാവുന്നതാണ്. സന്ദര്ശക വിസ വിപുലീകരിച്ചുകൊണ്ടാണ് സൗദിയുടെ ഈ നീക്കം.സൗദിയില് വിസയുള്ളവരുടെ സഹോദരന്, സഹോദരി, അവരുടെ കുടുംബം, ഭാര്യ, ഭര്ത്താവ് എന്നിവരുടെ സഹോദരങ്ങള്, അച്ഛന്, അമ്മ എന്നിവരുടെ മാതാപിതാക്കള് എന്നിവര്ക്കുകൂടി സന്ദര്ശക വിസ അനുവദിക്കാനാണ് ഇപ്പോഴത്തെ തീരുമാനം.
പ്രവാസികള്ക്ക് ഇത് വലിയ അനുഗ്രഹമാകും. നിലവില് ഭാര്യ, ഭര്ത്താവ്, മക്കള്, അച്ഛന്, അമ്മ എന്നിവര്ക്കാണ് സന്ദര്ശക വിസ അനുവദിക്കുന്നത്. ഇതാണ് ഇപ്പോൾ കുടുംബാംഗങ്ങളെ കൂടി ഉൾപ്പെടുത്തി വിപുലീകരിക്കുന്നത്.സന്ദര്ശക വിസ ലഭിക്കാന് ഇഖാമയില് മൂന്നുമാസ കാലാവധി വേണം. അപേക്ഷകര് നഫാത് ആപ്ലിക്കേഷന് ആക്ടിവേറ്റ് ചെയ്ത് അതുവഴിയാണ് അപേക്ഷിക്കേണ്ടതെന്നും പാസ്പോര്ട്ട് വിഭാഗം അറിയിച്ചു.
സാധുവായ താമസ, തൊഴില് വിസയുള്ള എല്ലാ ജിസിസി സ്വദേശികള്ക്കും വിസയില്ലാതെ സന്ദര്ശനം അനുവദിക്കുന്ന കാര്യവും സൗദി പരിഗണിക്കുന്നുണ്ട്. ഹജ്ജ് ഒഴികെയുള്ള ബിസിനസ്, ടൂറിസം, ഉംറ ആവശ്യങ്ങള്ക്കായി ഗള്ഫ് പ്രവാസികളെ സൗദിയില് പ്രവേശിക്കാന് അനുവദിക്കുന്നതാണ് ഈ പുതിയ വിസ സംവിധാനം. എന്നാൽ ഗാര്ഹിക തൊഴിലാളി, നിര്മ്മാണ തൊഴിലാളി തുടങ്ങിയ ചില വിസ വിഭാഗങ്ങള്ക്ക് ഇത് ബാധകമായിരിക്കില്ല.
സന്ദര്ശക വിസ വിപുലീകരിച്ചുകൊണ്ടുള്ള സൗദിയുടെ ഈ നീക്കം ടൂറിസം ഉള്പ്പെടെ രാജ്യത്തെ വിപണിയുടെ വളര്ച്ചക്കും കാരണമാകും.മാത്രമല്ല മറ്റു ഗൾഫ് രാജ്യങ്ങളിൽ ജോലി ചെയ്യുന്ന പ്രവാസികൾക്കു പ്രത്യേക സന്ദർശക വീസയുമായി സൗദി രംഗത്തെത്തിയിരുന്നു.രാജ്യത്തേക്കു കൂടുതൽ വിനോദസഞ്ചാരികളെ ആകര്ഷിപ്പിക്കുന്നതിനാണ് പദ്ധതി. ഇതിനുള്ള നടപടികൾ അന്തിമ ഘട്ടത്തിലാണെന്ന് സൗദി ടൂറിസം മന്ത്രി അഹമ്മദ് അൽ ഖത്തീബ് പറഞ്ഞു
2019ൽ രാജ്യം ആരംഭിച്ച ടൂറിസ്റ്റ് വീസകൾ ഇപ്പോഴും നിലവിലുണ്ടെന്നും അദ്ദേഹം പറഞ്ഞു. ടൂറിസം വീസയിൽ വരുന്നവർക്കു യാതൊരു നിയന്ത്രണങ്ങളുമില്ല. 2030 ഓടെ രാജ്യത്തിന്റെ ജിഡിപിയിൽ ടൂറിസം മേഖലയുടെ സംഭാവന ഏകദേശം 10 % ആക്കുന്നതിനായി 200 ബില്യൺ ഡോളറിലധികം ചെലവഴിക്കാനാണു രാജ്യം ലക്ഷ്യമിടുന്നത്.
https://www.facebook.com/Malayalivartha
