സൗദിയിൽ പ്രവാസി താമസ്ഥലത്ത് തൂങ്ങി മരിച്ച നിലയില്, അത്മഹത്യ ചെയ്ത നിലയിൽ കണ്ടെത്തിയത് കൊല്ലം സ്വദേശിയെ
സൗദിയിൽ മലയാളി യുവാവിനെ തൂങ്ങിമരിച്ച നിലയില് കണ്ടെത്തി. കൊല്ലം ചെമ്മനത്തൂര് സ്വദേശി ചാരുവിള പുത്തന്വീട്ടില് പ്രദീപ് കുമാര് (34) ആണ് തെക്കന് പ്രവിശ്യയിലെ ഖമീസ് മുഷൈത്തില് മരിച്ചത്. താമസ്ഥലത്ത് ഇദ്ദേഹത്തെ തൂങ്ങി മരിച്ച നിലയില് കണ്ടെത്തുകയായിരുന്നു. സാംസ എന്ന കമ്പനിയില് ജീവനക്കാരനായിരുന്നു.
മൂന്ന് മാസം മുമ്പാണ് അവധി കഴിഞ്ഞു നാട്ടില് നിന്നും എത്തിയത്. മൃതദേഹം ഖമീസ് മുശൈത് സിവില് ആശുപത്രി മോര്ച്ചറിയില് സൂക്ഷിച്ചിരിക്കുന്നു. മരണാന്തര നടപടി നടപടിക്രമങ്ങള് അസീര് പ്രവാസി സംഘം കേന്ദ്ര കമ്മറ്റി എക്സിക്യൂട്ടിവ് അംഗം ഷൗക്കത്തലി ആലത്തൂരിന്റെ നേതൃത്വത്തില് നടന്നുവരുന്നു. പരേതനായ രവീന്ദ്രന് തമ്പിയാണ് പിതാവ്. മാതാവ്: പ്രസന്ന.
സഹോദരന് ദുബായില് ജോലി ചെയ്യുന്നു.
അതേസമയം സൗദിയില് കോഴിക്കോട് പേരാമ്പ്ര സ്വദേശിയെ പച്ചക്കറി ലോറിയില് മരിച്ച നിലയില് കണ്ടെത്തി. റഫീഖ് കാഞ്ഞിരക്കുറ്റിയെ (49)യാണ് ജിദ്ദക്കും അല്ലൈത്തിനും ഇടയില് മുജൈരിമ പെട്രോള് സ്റ്റേഷനില് നിര്ത്തിയിട്ട പച്ചക്കറി ലോറിയില് മരിച്ച നിലയില് കണ്ടത്തിയത്.
ബുധനാഴ്ച ജിദ്ദയില് നിന്ന് പച്ചക്കറിയുമായി ഖുന്ഫുദയിലേക്കു വരുന്നതിനിടെ നെഞ്ച് വേദനയെ തുടര്ന്ന് മുജൈരിമ റെസ്റ്റിംഗ് സ്റ്റേഷനില് ലോറി നിര്ത്തിയതാണെന്ന് കരുതുന്നു. ജിദ്ദിയില്നിന്ന് വരുന്ന ചരക്ക് വാഹനങ്ങള് സാധാരണ വിശ്രമത്തിനായി നിര്ത്തിയിടുന്ന സ്ഥലമായതിനാല് ആരുടെയും ശ്രദ്ധയില് പെട്ടില്ല.
റഫീഖ് എത്തേണ്ട സമയത്തും കാണാത്തതിനാല് കൂടെയുള്ള ജോലിക്കാരും ബന്ധുക്കളും നടത്തിയ അന്വേഷണത്തിലാണ് നിര്ത്തിയിട്ട ലോറിയില് മരിച്ച നിലയില് കണ്ടെത്തിയത്. ഏറെ ക്കാലമായി ഖുന്ഫുദയില് പച്ചക്കറി വ്യാപാര തൊഴിലാളിയാണ് റഫീഖ്.
https://www.facebook.com/Malayalivartha
