ചുട്ടുപൊള്ളി പ്രവാസികൾ..,യു.എ.ഇയിൽ താപനില 50 ഡിഗ്രി സെല്ഷ്യസിലേക്ക്, കനത്ത ചൂടിൽ വെന്തുരുകി രാജ്യം
19 JUNE 2022 03:42 PM IST
മലയാളി വാര്ത്ത
യു.എ.ഇയിൽ ദിനപ്രതി ചൂട് കൂടുകയാണ്. ഇപ്പോൾ രാജ്യത്ത് താപനില 50 ഡിഗ്രി സെല്ഷ്യസിലേക്ക് അടുക്കുകയാണ്. ശനിയാഴ്ച 49.8 ഡിഗ്രി സെല്ഷ്യസ് രേഖപ്പെടുത്തിയ താപനില. അല്ഐനിലെ സെയ്ഹാനിലാണ് കനത്ത ചൂട് രേഖപ്പെടുത്തിയത്.
ഞായറാഴ്ച 50 ഡിഗ്രിയിലേക്ക് എത്തുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. ഇതോടെ ഹ്യുമിഡിറ്റി 100 ശതമാനമാകും. എന്നാൽ അബുദബിയെ അപേക്ഷിച്ച് ദുബൈയില് ചൂട് കുറവാണെന്നാണ് റിപ്പോർട്ടുകൾ. 40 ഡിഗ്രി സെല്ഷ്യസാണ് ദുബൈയില് ശനിയാഴ്ച രേഖപ്പെടുത്തിയ താപനില.
വേനൽ ശക്തമായതോടെ യു.എ.ഇയും ഉച്ചവിശ്രമ നിയമം പ്രഖ്യാപിച്ചു കഴിഞ്ഞു.കഴിഞ്ഞ 18 വർഷമായി യു.എ.ഇ വേനൽകാലത്ത് ഉച്ചവിശ്രമം നടപ്പാക്കാറുണ്ട്. ഈമാസം15 മുതൽ നിയമം പ്രാബല്യത്തിൽ വന്നത്. മൂന്ന് മാസത്തേക്കാണ് വെയിലത്ത് ജോലിചെയ്യുന്നവർക്ക് ഉച്ചവിശ്രമം നിർബന്ധമാക്കിയിരിക്കുന്നത്. സെപ്തംബർ 15 വരെ നിയമം നിലവിലുണ്ടാകും. അടുത്ത ദിവസങ്ങളിൽ ചൂട് കൂടുതൽ ശക്തമാകുന്ന സാഹചര്യത്തിലാണ് തുറസ്സായ സ്ഥലങ്ങളിൽ ജോലിചെയ്യുന്ന തൊഴിലാളികളുടെ സുരക്ഷ കണക്കിലെടുത്ത് തൊഴിൽമന്ത്രാലയം ഉച്ചവിശ്രമ നിയമം നടപ്പാക്കുന്നത്.15ാം തീയതി മുതൽ ഉച്ചക്ക് 12:30 മുതൽ വൈകുന്നേരം മൂന്നര വരെ തുറസായ സ്ഥലത്ത് വെയിലത്ത് തൊഴിലാളികളെ ജോലിയെടുപ്പിക്കാൻ പാടില്ല. ഈസമയത്ത്, തൊഴിലാളികൾക്ക് വെയിലേൽക്കാതെ വിശ്രമിക്കാനുള്ള സൗകര്യം തൊഴിലുടമകൾ ഒരുക്കി നൽകണം. ഇല്ലാത്ത പക്ഷം സ്ഥാപനങ്ങൾക്ക് എതിരെ കർശന നടപടിയുണ്ടാകും എന്നാണ് നിർദ്ദശം നൽകിയത്.നിയമം പാലിക്കാത്ത സ്ഥാപനങ്ങൾക്ക് എതിരെ കർശന നടപടിയുണ്ടാകും. നിയമലംഘനം ശ്രദ്ധയിൽപ്പെട്ടാൽ 600590000 എന്ന നമ്പറിൽ റിപ്പോർട്ട് ചെയ്യാം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
