സ്വർണ്ണത്തിളക്കത്തിൽ ബോളിവുഡ് താരം സണ്ണി ലിയോണി, താരത്തിന് യുഎഇ ഗോള്‍ഡന്‍ വിസ ലഭിച്ചു
നിരവധി രംഗങ്ങളിൽ കഴിവ് തെളിയിച്ചവർക്ക് യുഎഇ ഭരണകൂടം അനുവദിക്കുന്ന വിസയാണ് ഗേൾഡൻ വിസ. നിക്ഷേപകര്‍ക്കും ബിസിനസുകാര്‍ക്കുമാണ് ആദ്യഘട്ടങ്ങളിൽ അനുവദിച്ച് നൽകിയിരുന്നത്. പത്ത് വര്‍ഷത്തെ കാലാവധിയാണ് ഈ വിസകൾക്ക ഉള്ളത്. നിരവധി സിനിമ താരങ്ങൾക്കും ഇപ്പോൾ ഗോൾഡർ വിസ ലഭിച്ചിട്ടുണ്ട്. ഇപ്പോൾ ബോളിവുഡ് താരം സണ്ണി ലിയോണിന് യുഎഇ ഗോള്‍ഡന്‍ വിസ ലഭിച്ചിരിക്കുകയാണ്.
ദുബൈയിലെ ഏറ്റവും വലിയ സര്‍ക്കാര്‍ സേവനദാതാക്കളായ ഇസിഎച്ച് ഡിജിറ്റല്‍ ആസ്ഥാനത്ത് എത്തി സിഇഒ ഇഖ്ബാല്‍ മാര്‍ക്കോണിയില്‍ നിന്നുമാണ് താരം ഗോള്‍ഡന്‍ വിസ സ്വീകരിച്ചത്. യുഎഇയുടെ പത്ത് വര്‍ഷത്തെ ഗോള്‍ഡന്‍ വിസ പതിച്ച പാസ്‌പോര്‍ട്ട് സണ്ണി ലിയോണ്‍ ഏറ്റുവാങ്ങി. യുഎഇ നല്‍കിയ അംഗീകാരത്തിന് സണ്ണി ലിയോണ്‍ നന്ദി പറഞ്ഞു. ഏറ്റവും കൂടുതല്‍ ഇന്ത്യന്‍ ചലച്ചിത്ര താരങ്ങള്‍ യുഎഇ ഡോള്‍ഡന്‍ വിസ നല്‍കിയത് ഇസിഎച്ച് ഡിജിറ്റല്‍ മുഖേനയായിരുന്നു.
മലയാള സിനിമാ മേഖലയില്‍ നിന്ന് നിരവധി പേര്‍ക്ക് യുഎഇ ഗോള്‍ഡന്‍ വിസ ലഭിച്ചിട്ടുണ്ട്. ഗോള്‍ഡന്‍ വിസ അനുവദിക്കുന്നതിനുള്ള മാനദണ്ഡങ്ങളില്‍ യുഎഇ അടുത്തിടെ ഇളവുകൾ പ്രഖ്യാപിച്ചിരുന്നു. കൂടുതല്‍ വിഭാഗങ്ങളിലേക്ക് ഗോള്‍ഡന്‍ വിസയുടെ പ്രയോജനം ലഭ്യമാക്കാൻ വേണ്ടിയാണ് യുഎഇ ഇത്തരത്തിലൊരു തീരുമാനം സ്വീകരിച്ചത്.
https://www.facebook.com/Malayalivartha
