മലയാളികള്‍ ഉള്‍പ്പെടെ നിരവധി പേര്‍ക്ക് വന്‍തുകയുടെ സമ്മാനങ്ങള്‍ നല്‍കി അവരുടെ ജീവിതങ്ങള്‍ മാറ്റി മറിച്ച അബുദാബി ബിഗ് ടിക്കറ്റിൽ മാത്രം ഒതുങ്ങുന്നതല്ല പ്രവാസികളുടെ ഭാഗ്യപരീക്ഷണം. മഹ്സൂസ് നറുക്കെടുപ്പിലേക്കും ഇത് നീളുന്നു. ജി സി സിയിലെ ആദ്യ പ്രതിവാര തത്സമയ നറുക്കെടുപ്പാണ് മഹ്സൂസ്. എല്ലാ ആഴ്ചയിലും മില്യണ്‍ കണക്കിന് ദിര്‍ഹത്തിന്റെ സമ്മാനങ്ങള്‍ നല്‍കുന്നു. ഇപ്പോൾ മഹ്സൂസ് ഡ്രോയിൽ ലക്ഷങ്ങളുടെ സ്വർണനാണയങ്ങൾ സമ്മാനമായി കിട്ടിയിരിക്കുന്നത് ഇന്ത്യക്കാരനായ പ്രവാസിക്കാണ്.

സെപ്റ്റംബർ രണ്ടിന് നടത്തിയ 144-ാമത് നറുക്കെടുപ്പിലെ സമ്മാനങ്ങളാണ് പ്രഖ്യാപിച്ചിരിക്കുന്നത്. പാകിസ്ഥാനിൽ നിന്നുള്ള പ്രവാസിയായ മുഹമ്മദ് ഒരു മില്യൺ ദിർഹം നേടി ഗ്യാരണ്ടീഡ് റാഫ്ൾ വിന്നറായി തെരഞ്ഞടുത്തത്. ഗോൾഡൻ സമ്മർ ഡ്രോ പ്രൈസായ 50,000 ദിർഹം മൂല്യമുള്ള സ്വർണ്ണനാണയങ്ങൾ നേടിയത് ഇന്ത്യൻ പ്രവാസിയായ നിമിൽ ആണ്. 38 വയസുകാരൻ ആണ് നിമൽ. മൂന്ന് കുട്ടികളുടെ പിതാവായ നിമൽ മെക്കാനിക്കൽ എൻജിനീയറായാണ് അദ്ദേഹം ജോലി ചെയ്യുന്നത്. 15 വർഷമായി അദ്ദേഹം കുടുംബവുമൊത്ത് യുഎഇയിൽ കഴിയുകയാണ്. ഗോൾഡൻ സമ്മർ ഡ്രോയുടെ അഞ്ചാമത്തെ വിജയിയാണ് നിമൽ. 22 ക്യാരറ്റ് സ്വർണ്ണനാണയങ്ങളാണ് നിമൽ നേടിയത്.

പാകിസ്ഥാനിൽ നിന്നുള്ള പ്രവാസിയായ മുഹമ്മദ് ഒരു മില്യൺ ദിർഹം നേടി ഗ്യാരണ്ടീഡ് റാഫ്ൾ വിന്നറായത്. ക്രിക്കറ്റിലും ബോഡിബിൽഡിങ്ങിലും തൽപ്പരനായ മുഹമ്മദിന് 27 വയസുകാരനാണ്. ഭാര്യക്കൊപ്പം ഒരു വർഷം മുൻപാണ് മുഹമ്മദ് യുഎഇയിലേക്ക് എത്തുന്നത്. വിജയിക്കും എന്ന് കരുതിയല്ല അദ്ദേഹം ഗെയിമിൽ പങ്കെടുത്തത്. തന്റെ കൂടെ ഉണ്ടായിരുന്ന സുഹൃത്ത് അന്ന് തനിക്ക് ആത്മവിശ്വാസം തന്നു.

തനിക്ക് തന്നെ സമ്മനം ലഭിക്കുമെന്ന് പറഞ്ഞിരുന്നു. അങ്ങനെയാണ് മെയിൽ നോക്കിയത്. ഒരു മില്യൺ ദിർഹം സ്വന്തമായി ലഭിക്കുമെന്ന് ഒരിക്കലും കരുതിയില്ലെന്ന് അദ്ദേഹം പറഞ്ഞു. കടം വീട്ടാനും അതിന് ശേഷം സൗദിയിലേക്ക് പോകാനും ആണ് തീരുമാനിച്ചിരിക്കുന്നത്. കുറച്ചു പണം പാകിസ്ഥാനിലെ ദരിദ്രരായ വിദ്യാർത്ഥികളുടെ വിദ്യാഭ്യാസത്തിനായി ചെലവഴിക്കും. 20 മില്യൺ ദിർഹം സ്വന്തമാക്കാൻ താൻ ഇനിയും മത്സരത്തിൽ പങ്കെടുക്കുമെന്ന് അദ്ദേഹം പറഞ്ഞു.