സാധാരണക്കാരായ പ്രവാസികൾക്ക് ഏറ്റവും സന്തോഷം നൽകുന്ന വാർത്ത. ഇനി നിങ്ങളുടെ നാട്ടിലുള്ള പ്രിയപ്പെട്ടവരെ ഫോണിൽ വിളക്കാൻ ഭീമമായ തുകമുടക്കേണ്ട ആവശ്യമില്ല. തൊഴിലാളികൾക്ക് വൻ ഓഫറുമായി യുഎഇ മാനവവിഭവ ശേഷി മന്ത്രാലയം രംഗത്തെത്തിയിരിക്കുകയാണ്. കുറഞ്ഞ വരുമാനക്കാരായ തൊഴിലാളികള്‍ക്ക് സൗജന്യ മൊബൈല്‍ ഡേറ്റയും കുറഞ്ഞ നിരക്കില്‍ രാജ്യാന്തര ഫോണ്‍ കോളുകളും ലഭ്യമാക്കാൻ സാധിക്കുന്ന പദ്ധതി നടപ്പാക്കാനൊരുങ്ങുകയാണ് യുഎഇ.

ഹാപ്പിനസ് സിം എന്ന പേരിലാണ് യുഎഇയുടെ ഈ പദ്ധതി അറിയപ്പെടുന്നത്. എന്നാൽ 6 മാസത്തേക്കാണ് പദ്ധതിയെന്ന് മാനവശേഷി സ്വദേശി വൽക്കരണ മന്ത്രാലയം അറിയിച്ചു. ബിസിനസ് സർവീസ് സെന്ററുകളിൽനിന്നും മന്ത്രാലയത്തിന്റെ ഓൺലൈൻ സർവീസ് വഴിയും സിം ലഭിക്കും.തൊഴിലാളികൾക്ക് നാട്ടിലുള്ള കുടുംബവുമായി കൂടുതൽ സമയം ബന്ധപ്പെടാൻ അവസരമൊരുക്കുന്ന പദ്ധതി എമിറേറ്റ്സ് ഇന്റഗ്രേറ്റഡ് ടെലികമ്യൂണിക്കേഷൻ കമ്പനിയുമായി സഹകരിച്ചാണ് നടപ്പാക്കുന്നത്.

എം.ഒ.എച്ച്ആര്‍ഇയുടെ എല്ലാ നോട്ടിഫിക്കേഷനുകളും സിം ഉപയോഗിക്കുന്നവർക്ക് ലഭ്യമാകും. രാജ്യത്ത് കുറഞ്ഞ വരുമാനമുള്ളവരുടെ ജീവിതം സുഖമമാക്കാന്‍ അധിക സാമ്പത്തികഭാരം ഒഴിവാക്കാനുള്ള ശ്രമത്തിന്റെ ഭാഗമാണ് നടപടിയെന്ന് മന്ത്രാലയം അറിയിച്ചു. ഇതിന്റെ പ്രയോജനം വലിയ രീതിയിൽ ലഭിക്കുന്നത് കുറഞ്ഞ വരുമാനക്കാരായ പ്രവാസികൾക്കായിരിക്കും. കുറഞ്ഞ വരുമാനമുള്ള എന്നാൽ ഏറെ കഷ്ടപ്പെടുന്ന ബ്ലൂ കോളർ തൊഴിലാളികളെ സഹായിക്കാനാണ് മന്ത്രാലയത്തിന്റെ തീരുമാനം.

ഇവർക്ക് ആറ് മാസത്തേക്ക് സൗജന്യ മൊബൈൽ ഡേറ്റയും, കുറഞ്ഞ നിരക്കിൽ ഇന്റർനാഷണൽ കോളുകളും നൽകുന്ന സർവീസ് ആയിരിക്കും ലഭിക്കുക. തൊഴിലാളികൾക്കാണ് ഈ ഓഫർ ലഭിക്കുന്നത്. പ്രവാസി തൊഴിലാളികളുടെ ഹാപ്പിനസ് ഉറപ്പാക്കാനാണ് ഇതിലൂടെ തീരുമാനിച്ചിരിക്കുന്നത്. നാട്ടിലേക്ക് വിളിക്കാനും മക്കളെ കാണാനും വമ്പൻ ചെലവാണ് നെറ്റിനായി നൽകേണ്ടി വരുന്നത്. അത് ഒഴിവാക്കാൻ ഇതിലൂടെ സാധിക്കും. വീഡിയോ കോളിന് ഡാറ്റ റീചാർജ് ചെയ്ത് മടുക്കേണ്ട. ഇനി ആറ് മാസത്തേക്ക് ഇന്റർനെറ്റ് ഡേറ്റ സൗജന്യം.

ഇന്റർനാഷണൽ കോളിന്റെ അധിക ബില്ലും പേടിക്കേണ്ട. കുറഞ്ഞ നിരക്കാണ് തൊഴിലാളികൾക്ക് പ്രഖ്യാപിച്ചിരിക്കുന്നത്. ഡുവുമായുള്ള ഈ സഹകരണം ഏറെ സന്തോഷിപ്പിക്കുന്നതാണെന്ന് യുഎഇ മാനവ വിഭവശേഷി സ്വദേശിവത്കരണ മന്ത്രാലയം ആക്ടിങ് അണ്ടര്‍ സെക്രട്ടറി ആയേഷ ബെല്‍ഹര്‍ഫിയ പറഞ്ഞു.

ചെറിയ വരുമാനക്കാരായ തൊഴിലാളികൾക്ക് വളരെ പ്രയോജനം ചെയ്യുന്ന ഒന്നായിരിക്കും ഈ പുതിയ ഹാപ്പിനസ് സിം എന്ന കാര്യത്തിൽ ഒരു സംശയവും വേണ്ട. ആറ് മാസത്തേക്ക് പ്രഖ്യാപിച്ചിരിക്കുന്ന ഈ ഇളവ് സാധാരണക്കാരായ പ്രവാസികൾ‍ പരമാവധി പ്രയോജനപ്പെടുത്താന് ‍ശ്രമിക്കുക. കൂടുതൽ ഇളവുകൾ ഇതുമായി ബന്ധിപ്പെട്ട് ഇനിയും അധികൃതർ ‍പ്രഖ്യാപിക്കുമെന്ന പ്രതീക്ഷയിലാണ് പ്രവാസികൾ.