ഒരോ വർഷം കഴിയുന്തോറും ഭാഗ്യം പരീക്ഷണം നടത്തുന്ന പ്രവാസികളുടെ എണ്ണം കൂടിവരികയാണ്. എന്നെങ്കിലും ഭാഗ്യദേവത തങ്ങളേയും കടാക്ഷിക്കും എന്ന പ്രതീക്ഷയിലാണ് പ്രവാസികൾ ടിക്കറ്റുകളെടുക്കുന്നത്. സാധാരണക്കാർ മുതൽ ഉയർന്ന വരുമാനക്കാരായ പ്രവാസികൾവരെ ഭാഗ്യം പരീക്ഷിക്കുന്നവരാണ്. സുഹൃത്തുക്കളുമായും ബന്ധുക്കളുമായും ഒക്കെ ചേർന്നാണ് പലരും ടിക്കറ്റെടുക്കുന്നത്. അബുദബി ബിഗ് ടിക്കറ്റ്, മഹ്സൂസ്, ദുബൈ ഡ്യൂട്ടി ഫ്രീ തുടങ്ങിയ നറുക്കെടുപ്പുകളിൽ ഭാഗ്യപരീക്ഷണം നടത്തുന്നവരാണ് ഏറെയും.

പ്രവാസികൾക്കൊപ്പമാണ് ഇപ്പോൾ ഭാഗ്യദേവത എന്ന് പറയാതിരിക്കാൻ പറ്റില്ല. ബിഗ് ടിക്കറ്റ് ഗ്യാരണ്ടീഡ് വീക്കിലി ഡ്രോയിലൂടെ ആഴ്ച്ചതോറും ഒരു ലക്ഷം ദിര്‍ഹം നേടാൻ ആണ് അവസരം ലഭിക്കുന്നത്. ആഴ്ചയിൽ നാല് പേർക്ക് ഇത്തരത്തിൽ അവസരം ലഭിക്കുക. ഈ ആഴ്ച്ചയിലെ 4 ഭാഗ്യശാലികള്ളിൽ മൂന്ന് പേരും മലയാളികൾ തന്നെ ആണ്. മലയാളിയായ അജയ് വിജയൻ ആണ് ഒന്നാമത്തെ ഭാഗ്യശാലി.

41 വയസുകാരനായ ഇദ്ദേഹം 2008 മുതൽ യുഎഇയിൽ ജോലി ചെയ്യുന്നുണ്ട്. എട്ട് വര്‍ഷമായി മൂന്നു സുഹൃത്തുക്കള്‍ക്കൊപ്പം ബിഗ് ടിക്കറ്റ് എടുക്കുന്നുണ്ട്.വിജയിയാണെന്ന് അറിഞ്ഞപ്പോൾ വലിയ സന്തോഷം തോന്നി. ഇ-ഡ്രോ പ്രൈസ് ലഭിക്കുമെന്ന് കരുതിയില്ല. നാട്ടിൽ അച്ഛനെയും അമ്മയെയും ഭാര്യയെയും വിളിച്ചു തന്റെ സന്തോഷം പങ്കുവെച്ചു. രണ്ടു കുട്ടികളുടെ പിതാവാണ്. മക്കളുടെ ഭാവിക്ക് വേണ്ടി തുക നിക്ഷേപക്കാൻ ആണ് തീരുമാനിച്ചിരിക്കുന്നത്.

രണ്ടാമത്തെ വിജയി മലയാളിയായ മുജീബ് പക്യാര ആണ്. ഷാര്‍ജയിൽ ഒരു കഫറ്റീരിയയിൽ വെയിറ്ററായി ജോലി ചെയ്യുകയാണ്. രണ്ടു വര്‍ഷമായി അദ്ദേഹം പതിവായി ടിക്കറ്റ് എടുക്കുന്നുണ്ട്. തന്റെ മുറിയിൽ താമസിക്കുന്ന ഏഴ് പേർക്കൊപ്പം ആണ് അദ്ദേഹം ടിക്കറ്റ് എടുക്കുന്നത്. സമ്മാനം തനിക്ക് ലഭിച്ചെന്ന് ഇപ്പോഴും വിശ്വസിക്കാൻ സാധിക്കുന്നില്ല. പ്രസവിക്കാൻ വേണ്ടി ഭാര്യ ഇപ്പോൾ ആശുപത്രിയിലാണ്. ഈ സമയത്ത് തന്നെ ഇത്തരത്തിലൊരു ഭാഗ്യം എത്തിയതിൽ വലിയ സന്തോഷമുണ്ടെന്ന് അദ്ദേഹം പറയുന്നു. പണം തന്റെ കടബാധ്യത തീർക്കാനാണ് ഉപയോഗിക്കാൻ തീരുമാനിച്ചിരിക്കുന്നതെന്ന് അദ്ദേഹം പറയുന്നു.

മലയാളിയായ ഫിറോസ് കുഞ്ഞുമോൻ ആണ് മൂന്നാമത്തെ വിജയി. മൂന്നു മക്കളുടെ പിതാവായ കുഞ്ഞുമോൻ അജ്‍മാനിൽ ഡ്രൈവറായി ജോലി ചെയ്യുന്നു. 20 സുഹൃത്തുക്കൾക്കൊപ്പം ചേർന്ന് പത്ത് വര്‍ഷമായി എല്ലാ മാസവും ഫിറോസ് ബിഗ് ടിക്കറ്റ് വാങ്ങും. തനിക്ക് ലഭിച്ച സമ്മാനത്തിന്റെ പങ്ക് നാട്ടിലേക്ക് അയക്കാൻ ആണ് തീരുമാനിച്ചിരിക്കുന്നത്. ഇനിയും ബിഗ് ടിക്കറ്റ് വാങ്ങാൻ ആണ് തീരുമാനിച്ചിരിക്കുന്നത്.

ഗ്രാൻഡ് പ്രൈസിലാണ് അദ്ദേഹത്തിന് പ്രതീക്ഷ. നാലാമത്തെ വിജയിയും ഇന്ത്യക്കാരൻ തന്നെയാണ്. മുംബൈ സ്വദേശിയായ മുഹമ്മദ് അസ്ഹറുള്‍ ഷാര്‍ജയിലാണ് താമസിക്കുന്നത്. 2009 മുതൽ തുടര്‍ച്ചയായി ബിഗ് ടിക്കറ്റ് അദ്ദേഹം വാങ്ങുന്നുണ്ട്. 2017-ൽ ഇതിന് മുൻപ് അദ്ദേഹത്തിന് ബിഗ് ടിക്കറ്റിലൂടെ സമ്മാനം ലഭിച്ചിട്ടുണ്ട്. 40,000 ദിര്‍ഹമാണ് അന്ന് സമ്മാനമായി വാങ്ങിയത്.