ഏതൊരു വിദേശ യാത്രയ്ക്ക് തയ്യാറെടുക്കുമ്പോഴും പാസ്പോർട്ട് വളരെ പ്രധാനമാണ്. ഇതില്ലാടെ യാത്ര ചെയ്യാനേ പറ്റില്ല എന്നൊക്കെയായിരുന്നു നമ്മുടെ ധാരണ. എന്നാൽ ഇനി യാത്രക്കാര്‍ക്ക് പാസ്‌പോര്‍ട്ടില്ലാതെയും യാത്ര ചെയ്യാം. അത്തമൊരു സംവിധാനം ഒരുക്കിയിരിക്കുകയാണ് ദുബായ് അന്താരാഷ്ട്ര വിമാനത്താവളം. ലോകത്തെ ഏറ്റവും മികച്ച പത്ത് വിമാനത്താവളങ്ങളുടെ പട്ടികയിൽ ദുബൈ അന്താരാഷ്ട്ര വിമാനത്താവളം രണ്ടാം സ്ഥാനത്ത്. ആദ്യഘട്ടത്തിൽ ടെർമിനൽ മൂന്നിലാണ് പുതിയ സേവനം ലഭ്യമാകുക.

യാത്രക്കാരുടെ മുഖം തിരിച്ചറിഞ്ഞ് എമിഗ്രേഷൻ നടപടി പൂർത്തീകരിക്കാൻ നൂതനമായ അഞ്ച് സ്മാർട്ട് ഗേറ്റുകളാണ് ഇതിനായി സ്ഥാപിച്ചിരിക്കുന്നത്. ജൈറ്റെക്സ് മേളയിൽ ജി.ഡി.ആർ.എഫ്.എ ആണ് പുതിയ സാങ്കേതിക വിദ്യയുടെ പ്രവർത്തന ലോഞ്ചിങ് പ്രഖ്യാപിച്ചത്. നീണ്ട കാലത്തെ ട്രയലുകളെ തുടർന്നാണ് ഔദ്യോഗികമായി പാസ്പോർട്ട് ഇല്ലാതെ സ്മാർട്ട് ഗേറ്റിലൂടെ കടന്ന് പോകുന്ന നടപടികൾക്ക് തുടക്കമായത്.

സ്മാർട്ട് ഗേറ്റുകൾ ഉപയോഗിക്കുന്നതിന് താമസക്കാർ അവരുടെ പാസ്പോർട്ടോ എമിറേറ്റ്സ് ഐഡിയോ ടെർമിനൽ മൂന്നിലെ കൗണ്ടറിൽ മുൻകൂട്ടി രജിസ്റ്റർ ചെയ്യണം. ഒറ്റത്തവണ രജിസ്റ്റർ ചെയ്താൽ, പിന്നീടുള്ള യാത്രയ്ക്ക് പാസ്പോർട്ട് സ്കാൻ ചെയ്യേണ്ടതില്ല. നേരിട്ട് ഗേറ്റിലെ സ്ക്രീനിൽ മുഖം കാണിച്ച് എമിഗ്രേഷൻ നടപടി പൂർത്തീകരിക്കാം. എന്നാൽ, യാത്രികർ യാത്ര രേഖകൾ കയ്യിൽ കരുതണം. പാസ്പോർട്ട് രഹിത സേവനം ഉപയോഗിക്കുന്നതിന് ക്യാമറയ്ക്ക് മുഖവും ഒപ്റ്റിക് പ്രിന്റും കൃത്യമായി പകർത്താൻ സാധിക്കുമെന്ന് ഉറപ്പാക്കാൻ ഗ്ലാസുകൾ, മുഖംമൂടികൾ, തൊപ്പികൾ എന്നിവ നീക്കം ചെയ്യണം.

സമീപഭാവിയിൽ ടെർമിനൽ ഒന്നിലും രണ്ടിലും ഈ സാങ്കേതികവിദ്യ നടപ്പിലാക്കാൻ പദ്ധതിയുള്ളതായി ജി.ഡി.ആർ.എഫ്.എ വെളിപ്പെടുത്തി.അതേസമയം, പാസ്പോർട്ട് സ്കാൻ ചെയ്തു സ്മാർട്ട് ഗേറ്റ് ഉപയോഗിക്കുന്ന സേവനം എല്ലാ ടെർമിനലിലും തുടരും. നേരിട്ട് ഗേറ്റിലെ സ്‌ക്രീനില്‍ മുഖം കാണിച്ചാല്‍ എമിഗ്രേഷന്‍ നടപടി പൂര്‍ത്തീകരിക്കാം. എന്നാല്‍ യാത്രികര്‍ എപ്പോഴും തങ്ങളുടെ യാത്ര രേഖകള്‍ കയ്യില്‍ കരുതേണ്ടതുണ്ട്. ഇതിനുള്ള 122 സ്മാർട്ട് ഗേറ്റുകളാണ് ഇവിടങ്ങളിൽ ഉള്ളത്. ഇതുൾപ്പെടെ 11 പുതിയ സാങ്കേതിക വിദ്യ പദ്ധതികളാണ് ജൈറ്റെക്സ് ജി.ഡി.ആർ.എഫ്.എ അവതരിപ്പിച്ചത്.

വിപുലീകരിച്ച ആപ്ലിക്കേഷൻ, പാസ്പോർട്ട് രഹിത യാത്രയ്ക്കുള്ള സ്മാർട്ട് ഗേറ്റ്, വീഡിയോ കോൾ സേവനം, ഡാറ്റാ സയൻസ് ആൻഡ് ആർട്ടിഫിഷ്യൽ ഇന്റലിജൻസ് അടക്കമുള്ള പദ്ധതികളുടെ പ്രദർശനവും വിവരണവുമാണ് മേളയിൽ നടന്നത്.നിരവധി യാത്രക്കാരാണ് പ്രതിദിനം എയർപ്പോർട്ട് വഴി കടന്നുപോകുന്നത്. അതിനാൽ യാത്രക്കാർക്കായി മികച്ച സേവനങ്ങളും സൗകര്യങ്ങളുമാണ് ഇവിടെ ഒരുക്കിയിട്ടുള്ളത്.

ലോകത്തിലെ ആദ്യത്തെ റോബട്ക്ക് ചെക്ക്- ഇൻ സൗകര്യം. ടെർമിനൽ ഒന്നിലൂടെ യാത്ര ചെയ്യുന്നവർക്കും വിമാനത്താവള ജീവനക്കാർക്കും ദുബായ് രാജ്യാന്തര വിമാനത്താവളത്തിൽ സൗജന്യ വൈദ്യപരിശോധന. കുട്ടികൾക്കായി പ്രത്യേക എമിഗ്രേഷൻ കൗണ്ടറുകൾ എന്നു വേണ്ട യാത്രക്കാർക്ക് പ്രയോജനകരമായ സൗകര്യങ്ങളാണ് ഒരുക്കിയിട്ടുള്ളത്.