ഒമാൻ കാലാവസ്ഥാ നിരീക്ഷണ കേന്ദ്രം ഉഷ്ണമേഖലാ ചുഴലിക്കാറ്റ് 'തേജുമായി' ബന്ധപ്പെട്ടു നിർണായകമായ മുന്നറിയിപ്പുകൾ നൽകിയിരിക്കുകയാണ്. ക്രമേണ ദുർബലമാകാൻ തുടങ്ങിയിരിക്കുകയാണ് തേജ്. അതിന്റെ വർഗ്ഗീകരണം കാറ്റഗറി 2 ഉഷ്ണമേഖലാ ചുഴലിക്കാറ്റായി ചുരുക്കി. തേജ് ചുഴലിക്കാറ്റ് ഒമാൻ തീരത്തേക്ക് നീങ്ങുകയാണ് . തേജിന്റെ ഉഷ്ണമേഖലാ അവസ്ഥ ക്രമേണ ദുർബലമാകാൻ തുടങ്ങുന്നു, 

അടുത്ത 12 മണിക്കൂറിനുള്ളിൽ അതിന്റെ വർഗ്ഗീകരണം കാറ്റഗറി 1 ഉഷ്ണമേഖലാ ചുഴലിക്കാറ്റായി കുറയാനും സാധ്യതയൂണ്ടെന്ന് കാലാവസ്ഥ നിരീക്ഷണ കേന്ദ്രമറിയിച്ചു. ദോഫാർ ഗവർണറേറ്റിലെ ഷെൽട്ടർ സെന്ററുകളുടെ സന്നദ്ധത വർധിപ്പിച്ചതായി അധികൃത്രർ വ്യക്തമാക്കി . .ദോഫാർ ഗവർണറേറ്റിൽ 15,000-ത്തിലധികം ആളുകളുടെ ശേഷിയുള്ള സജ്ജീകരണ കേന്ദ്രങ്ങളുടെ എണ്ണം 69 അഭയകേന്ദ്രങ്ങളായി മാറി. ഇതുവരെ സജീവമായ കേന്ദ്രങ്ങളുടെ എണ്ണം 30 ആണ് .

'തേജ്' ചുഴലിക്കാറ്റിന്റെ നേരിട്ടുള്ള ഫലം കാരണം കനത്ത മഴ പെയ്തു. ഒമാന്റെ ഏറ്റവും അടുത്തുള്ള തീരത്ത് നിന്ന് ഏകദേശം 318 കി.മീ. കേന്ദ്രത്തിന് ചുറ്റുമുള്ള കാറ്റിന്റെ വേഗത 95 മുതൽ 110 നോട്ടുകൾ വരെയാകുമെന്ന് നിഗമനം ദോഫാർ ഗവർണറേറ്റ്, യെമൻ റിപ്പബ്ലിക് (അൽ മഹ്‌റ) തീരങ്ങളിലേക്ക് ഈ സംവിധാനം പടിഞ്ഞാറോട്ട് നീങ്ങുന്നത് തുടരുമെന്ന് പ്രവചനങ്ങൾ സൂചിപ്പിക്കുന്നു.

ദോഫാർ, അൽ വുസ്ത ഗവർണറേറ്റുകളിൽ നേരിട്ടുള്ള ആഘാതം വർധിക്കുമെന്നാണ് പ്രതീക്ഷ. കടൽ വളരെ പ്രക്ഷുബ്ധമായിരിക്കുമെന്ന് പ്രതീക്ഷിക്കുന്നു. ചുഴലിക്കാറ്റ് താഴ്ന്ന തീരപ്രദേശങ്ങളിൽ കടൽ വെള്ളം കയറാൻ ഇടയാക്കും.പരമാവധി മുൻകരുതലുകൾ എടുക്കണമെന്നും താഴ്‌വരകൾ മുറിച്ചുകടക്കരുതെന്നും താഴ്ന്ന പ്രദേശങ്ങൾ ഒഴിവാക്കണമെന്നും സിവിൽ ഏവിയേഷൻ അതോറിറ്റി എല്ലാവരോടും നിർദ്ദേശിക്കുന്നു.