അബുദാബിയിൽ റെസിഡന്ഷ്യല് കെട്ടിടത്തില് തീപിടിത്തം, കെട്ടിടം ഒഴിപ്പിച്ച് അധികൃതര്
യുഎഇയിൽ റെസിഡന്ഷ്യല് കെട്ടിടത്തില് തീപിടിത്തം. ഇന്നലെ പുലര്ച്ചെയോടെയാണ് സംഭവം. അബുദാബി പോലീസും അബുദാബി സിവില് ഡിഫന്സ് അതോറിറ്റി സംഘവും ചേര്ന്ന് തീ നിയന്ത്രണവിധേയമാക്കി. കെട്ടിടം അധികൃതര് ഒഴിപ്പിക്കുകയും ചെയ്തു. എന്നാൽ അപകടത്തിൽ ആർക്കും പരിക്കുകളൊന്നും റിപ്പോര്ട്ട് ചെയ്തിട്ടില്ല. തീപിടിത്തത്തിന്റെ കാരണം കണ്ടെത്താന് അന്വേഷണം ആരംഭിച്ചിട്ടുണ്ട്.
ബന്ധപ്പെട്ട അധികാരികള് സംഭവത്തില് ഉടനടി പ്രതികരിക്കുകയും 05:04 ന് കെട്ടിടത്തില് തീപിടുത്തമുണ്ടായയുടന് സംഭവ സ്ഥലത്ത് എത്തുകയും ചെയ്തു. അബുദാബി പോലീസും അബുദാബി സിവില് ഡിഫന്സ് അതോറിറ്റിയും പൊതുജനങ്ങളോട് ഔദ്യോഗിക ഉറവിടങ്ങളില് നിന്ന് മാത്രം വിവരങ്ങള് തേടണമെന്ന് അഭ്യര്ത്ഥിച്ചു. ഔദ്യോഗിക സ്രോതസ്സുകളില് നിന്ന് മാത്രം റിപ്പോര്ട്ടുകള് തേടേണ്ടതിന്റെ പ്രാധാന്യം അവര് പൊതുജനങ്ങളോട് ഊന്നിപ്പറഞ്ഞു.
https://www.facebook.com/Malayalivartha
