യുഎഇയിൽ ഡെലിവറി റൈഡര്‍മാര്‍ക്ക് വിശ്രമകേന്ദ്രങ്ങള്‍ ഒരുങ്ങുന്നു, 40 ഓളം എയര്കണ്ടീഷന് ചെയ്ത വിശ്രമകേന്ദ്രങ്ങള്‍ നിർമ്മിക്കും, പുതിയ ഓര്‍ഡറുകള്‍ക്കായി കാത്തിരിക്കുമ്പോഴും യാത്രയിലെ ഇടവേളകളിലും വിശ്രമകേന്ദ്രങ്ങള്‍ ഉപയോഗപ്പെടുത്താം
യുഎഇയിൽ സ്വദേശികൾക്കായി പല പ്രഖ്യാപനങ്ങളും അധികൃതർ നടത്തുമ്പോൾ പ്രവാസികളുടെ ക്ഷേമത്തിനായും പല നിയമങ്ങളും കൊണ്ടുവരാറുണ്ട്. മാന്യമായുള്ള വേതനം, തൊഴിലിടങ്ങളിൽ സുരക്ഷ എന്നിവ ഉറപ്പാക്കുന്നു. ഇമറാത്തികൾക്ക് കിട്ടുന്ന അത്ര ആനുകൂല്യങ്ങൾ കിട്ടില്ലെങ്കിലും മികച്ച രീതിയിൽ തന്നെയാണ് പ്രവാസികളുടെ ക്ഷേമ പ്രവർത്തനങ്ങളും നടത്തുന്നത്. അതിനാൽ തന്നെ യുഎഇയിൽ ജോലി ചെയ്യാൻ പ്രവാസികൾ വളരെയധികം താൽപ്പര്യമാണ്.
ഇപ്പോൾ പ്രവാസികൾക്കായി 40 ഓളം എയര്കണ്ടീഷന് ചെയ്ത വിശ്രമകേന്ദ്രങ്ങള്‍ നിർമ്മിക്കാൻ ഒരുങ്ങുകയാണ്. ഡെലിവറി റൈഡര്‍മാര്‍ക്കാണ് വിശ്രമകേന്ദ്രങ്ങള്‍ ഒരുങ്ങുന്നത്. എയര്കണ്ടീഷന് ചെയ്ത രണ്ട് വിശ്രമകേന്ദ്രങ്ങളുടെ നിര്‍മാണം ആര്‍ടിഎ ഇതിനകം പൂര്‍ത്തിയാക്കിയിട്ടുണ്ട്. അല്‍ ബര്‍ഷയിലാണ് ഇവ രണ്ടും നിര്‍മിച്ചത്. ബാക്കിയുള്ളവ മൂന്ന് ഘട്ടങ്ങളിലായി നിര്‍മിക്കാനാണ് പദ്ധതി. എല്ലാ വിശ്രമകേന്ദ്രങ്ങളും 2024 ജൂലൈയോടെ പ്രവര്‍ത്തനക്ഷമമാകുമെന്ന് പ്രതീക്ഷിക്കുന്നു.
കടുത്ത വെയിലില്‍ പോലും ഉത്തവാദിത്വത്തോടെ ജോലി ചെയ്യുന്ന ഡെലിവറി റൈഡര്‍മാരെ നിരത്തുകളിൽ നമ്മൾക്ക് കാണാൻ സാധിക്കും. അവർക്ക് പുതിയ ഓര്‍ഡറുകള്‍ക്കായി കാത്തിരിക്കുമ്പോഴും യാത്രയിലെ ഇടവേളകളിലും വിശ്രമകേന്ദ്രങ്ങള്‍ ഉപയോഗപ്പെടുത്താം. ഡെലിവെറൂ, നൂണ്‍, തലാബത്ത്, മറ്റ് കമ്പനികള്‍ എന്നിവയുടെ ആയിരക്കണക്കിന് ഡെലിവറി റൈഡര്‍മാര്‍ നഗരത്തിന്റെ വിവിധ ഭാഗങ്ങളില്‍ ദിവസവും ജോലി ചെയ്യുന്നുണ്ട്.
ഫുഡ് ആന്റ് ബീവറേജസ് ഉത്പന്നങ്ങളാണ് കൂടുതലായി വിതരണം ചെയ്യുന്നത്. ഡെലിവറി ചെയ്യാനുള്ള ഓര്‍ഡര്‍ ഇല്ലാത്തപ്പോള്‍ ബൈക്ക് റൈഡര്‍മാര്‍ക്ക് ശരിയായി വിശ്രമിക്കാന്‍ ഈ കേന്ദ്രങ്ങള്‍ ഉപയോഗപ്പെടുത്താനാവും.റോഡ് സുരക്ഷ വര്‍ധിപ്പിക്കുന്നതിനും റോഡപകട സാധ്യതകള്‍ കുറയ്ക്കുന്നതിനുമായി ദുബായ് റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍ടിഎ) യാണ് പദ്ധതിയുമായി രംഗത്തെത്തിയത്.
ഏതൊക്കെ സ്ഥലങ്ങളിലാണ് വിശ്രമകേന്ദ്രങ്ങള്‍ ആവശ്യമായിട്ടുള്ളതെന്ന് കണ്ടെത്താന്‍ ആര്‍ടിഎ പഠനം നടത്തിയിരുന്നു. അല്‍ ഖൂസ്, അല്‍ കരാമ, അല്‍ സത്വ, അറേബ്യന്‍ റാഞ്ചെസ്, ഇന്റര്‍നാഷണല്‍ സിറ്റി, ബിസിനസ് ബേ, അല്‍ ജദ്ദാഫ്, മിര്‍ദിഫ് എന്നിവയിലും എമിറേറ്റിലെ മറ്റ് ജില്ലകളിലും നിരവധി വിശ്രമകേന്ദ്രങ്ങള്‍ നിര്‍മിക്കാന്‍ തീരുമാനിച്ചിട്ടുണ്ട്.
ഓണ്‍ലൈന്‍ ഓര്‍ഡര്‍ ലഭിക്കുന്നതിനനുസരിച്ച് സാധനങ്ങള്‍ ഉപഭോക്താക്കള്‍ക്ക് എത്തിച്ചുനല്‍കാന്‍ കടുത്ത വെയിലില്‍ പുറത്ത് ജോലി ചെയ്യുന്നവരെ 'കൂളായി' ജോലിചെയ്യാന്‍ സഹായിക്കുകയാണ് പുതിയ പദ്ധതിലൂടെ ആര്‍ടിഎ. സുഖപ്രദമായ സൗകര്യങ്ങള്‍ പ്രദാനം ചെയ്യുന്നതിന് വഴി ഡെലിവറി റൈഡര്‍മാരുടെ ജോലി കുറച്ചുകൂടി ആയാസരഹിതമാക്കാനും കാര്യക്ഷമത വര്‍ധിപ്പിക്കാനും സന്തോഷം വര്‍ധിക്കാനും സഹായിക്കും. ഇതോടൊപ്പം ട്രാഫിക് നിയമങ്ങളും ചട്ടങ്ങളും അനുസരിക്കാന്‍ അവരെ പ്രോത്സാഹിപ്പിക്കാനും കഴിയമെന്ന് ആര്‍ടിഎ കരുതുന്നു.
https://www.facebook.com/Malayalivartha
