വിസ കാലാവധികഴിഞ്ഞവർ റോഡിലിറങ്ങിയാൽ പിടിവീഴും, പിടികിട്ടാപ്പുള്ളികളേയും വിസ കാലാവധി കഴിഞ്ഞ് രാജ്യത്ത് താമസിക്കുന്നവരേയും പിടികൂടുന്നതിന് എഐ പരിശോധനാ വാഹനങ്ങള്‍ നിരത്തിലിറക്കാന്‍ ഒരുങ്ങി ദുബായ് പോലീസ്...!!
സൗദിക്ക് പുറമേ താമസ നിയമലംഘകർക്കെതിരെ പിടിമുറുക്കി യുഎഇ. ഇനി വിസ കാലാവധികഴിഞ്ഞവർ നഗത്തിലൂടെ ഒന്ന് നടന്നാൽ മതി അപ്പോൾ തന്നെ പിടിവീഴും. നിയമലംഘകരെ മണത്തറിയാൻ യുഎഇ പോലീസിന് പുതിയൊരു സംവിധാനം എത്തുകയാണ്. പിടികിട്ടാപ്പുള്ളികളേയും വിസ കാലാവധി കഴിഞ്ഞ് രാജ്യത്ത് അനധികൃതമായി താമസിക്കുന്നവരേയും നിമിഷങ്ങൾക്കകം പിടികൂടാൻ ആര്‍ട്ടിഫിഷ്യല്‍ ഇന്റലിജന്‍സ് സംവിധാനങ്ങളുള്ള പരിശോധനാ വാഹനങ്ങള്‍ നിരത്തിലിറക്കാന്‍ ഒരുങ്ങുകയാണ് ദുബായ് പോലീസ്.
മൈക്രോപോളിസ് റോബോട്ടിക്‌സുമായി സഹകരിച്ച് യുഎഇയില്‍ നിര്‍മിച്ച ഈ യന്ത്രത്തിന് M-O2 എന്നാണ് നാമകരണം ചെയ്തിട്ടുള്ളത്. ഈ വാഹനത്തിന് മുന്നിൽ വിസ കാലാവധി കഴിഞ്ഞവര്‍ വന്നുപെട്ടാലും കുടുങ്ങും. മുഖവും വാഹനത്തിന്റെ നമ്പര്‍ പ്ലേറ്റും സ്‌കാന്‍ ചെയ്ത് ആളുകളെ തിരിച്ചറിഞ്ഞ് ഉടന്‍ പോലീസിന് വിവരം കൈമാറാനുള്ള എഐ സാങ്കേതിക വിദ്യയുള്ള വാഹനമാണിത്.
നിയമലംഘകർ എന്ന് തോന്നുന്നപക്ഷം മാത്രമാണ് അധികാരികളെ എഐ വിവരം അറിയിക്കുക. പൂര്‍ണമായും യന്ത്രസഹായത്തോടെ സ്വയംപ്രവര്‍ത്തിക്കുന്ന എഐ ടെക്‌നോളജി സജ്ജീകരിച്ച വാഹനമാണിത്. നഗരത്തിലെ റോഡുകളും തെരുവുകളും കൂടുതല്‍ സുരക്ഷിതമാക്കാന്‍ ഇതിലൂടെ കഴിയുമെന്ന് ദുബായ് പോലീസ് കരുതുന്നു.
ദുബായ് വേള്‍ഡ് സെന്‍ട്രലില്‍ നടന്നുവരുന്ന ദുബായ് എയര്‍ഷോ 2023ല്‍ ദുബായ് പോലീസ് ഈ വാഹനം പ്രദര്‍ശിപ്പിച്ചിട്ടുണ്ട്. നവംബര്‍ 17 വെള്ളിയാഴ്ച വരെ പ്രദര്‍ശനം നീണ്ടുനില്‍ക്കും. നഗരത്തില്‍ ജനങ്ങള്‍ കൂടുതലുള്ള ഭാഗങ്ങളില്‍ വാഹനം പര്യടനം നടത്തുകയും പോലീസിന് കണ്ടെത്തേണ്ട വ്യക്തികളെക്കുറിച്ചും രജിസ്റ്റര്‍ ചെയ്യാത്ത കാറുകളെക്കുറിച്ചും അധികാരികളെ അറിയിക്കുകയും ചെയ്യും. ഫേഷ്യല്‍, കാര്‍ നമ്പര്‍ പ്ലേറ്റ് റെക്കഗ്‌നിഷന്‍ ടെക്‌നോളജിയുള്ള 360 ഡിഗ്രി ക്യാമറയാണ് ഇതിന്റെ പ്രധാന സവിശേഷത.
മോഷന്‍ ഡിറ്റക്ടറുള്ള ഇവയ്ക്ക് ഇത് സദാസമയവും ജനങ്ങളെ നിരീക്ഷിക്കുക, തിരിച്ചറിയുക എന്നിവയാണ് മുഖ്യജോലി. സംശയാസ്പദമായ വാഹനങ്ങള്‍ കണ്ടാല്‍ പോലീസിനെ അറിയിക്കുകയും ചെയ്യും. ഓരോ പ്രദേശത്തും നിശ്ചിത എണ്ണം ഇത്തരം പോലീസ് വാഹനങ്ങള്‍ വിന്യസിക്കുന്നതിലൂടെ വാഹന പരിശോധന ആയാസരഹിതമാക്കാനും സുരക്ഷ ഉറപ്പുവരുത്താനും സാദിക്കുമെന്ന് ദുബായ് പോലീസിലെ മുതിര്‍ന്ന ഉദ്യോഗസ്ഥന്‍ വിശദീകരിച്ചു. തുടര്‍ച്ചയായി 16 മണിക്കൂര്‍ വരെ ഈ യന്ത്രം വിശ്രമമില്ലാതെ ജോലിചെയ്യും.
ബന്ധപ്പെട്ട അധികൃതര്‍ ഏതാനും വര്‍ഷങ്ങളായി ഇതിന്റെ നിര്‍മാണത്തിനു പിന്നില്‍ പ്രവര്‍ത്തിക്കുകയും പ്രവര്‍ത്തനങ്ങള്‍ നിരീക്ഷിച്ചുവരികയും ചെയ്തുവരികയാണ്. പൂര്‍ണ ശേഷിയില്‍ പ്രവര്‍ത്തിക്കുന്നുവെന്ന് ഉറപ്പാക്കിയ ശേഷം നിരത്തുകളിലിറങ്ങും. എന്നു മുതലാണ് ഇവ റോഡുകളില്‍ ഇറങ്ങുകയെന്ന് പറയാന്‍ ഇപ്പോള്‍ കഴിയില്ലെങ്കിലും അധികം വൈകാതെ M-O2 ജോലിക്കിറങ്ങുമെന്ന് പോലീസ് ഉദ്യോഗസ്ഥന്‍ വെളിപ്പെടുത്തി.
https://www.facebook.com/Malayalivartha
